شارجہ ٹیسٹ میچ میں پاکستان کی شاندار کامیابی پر پاکستانی کھلاڑیوں سمیت پوری قوم کو الطاف حسین کی مبارکباد
پاکستانی کھلاڑیوں نے محنت و لگن سے شاندار کھیل کا مظاہرہ کرتے ہوئے پوری قوم کا سر فخر سے بلند کردیا ہے، الطاف حسین
لندن۔۔۔20، جنوری 2014ء
متحدہ قومی موومنٹ کے قائد الطاف حسین نے شارجہ ٹیسٹ کے پانچویں اورآخری روزپاکستان اورسری لنکاکے درمیان ٹیسٹ میچ میں پاکستان کی شاندار کامیابی اور سریز برا بر کر کرنے پرپاکستانی کھلاڑیوں سمیت پوری قوم کو مبارکباد پیش کی ہے۔ ایک بیان میں جناب الطاف حسین نے کہاکہ پاکستانی کھلاڑیوں نے جس محنت ولگن سے شاندار کھیل کا مظاہرہ کرتے ہوئے سری لنکا کو شکست سے دوچار کیا ہے اس نے پوری قوم کاسرفخرسے بلند کردیا ہے جس پرپاکستانی ٹیم کاایک ایک کھلاڑی شاباش اورخراج تحسین کے مستحق ہے۔انہوں نے پاکستان کی کامیابی پرٹیم کے کوچ، کپتان اورتمام کھلاڑیوں سمیت قوم کودل کی گہرائیوں سے مبارکباد دیتے ہوئے امید ظاہر کی پاکستانی کھلاڑی آئندہ بھی ٹیم ورک کامظاہرہ کرتے ہوئے قوم کاسرفخرسے بلندکرتی رہے گی۔