رابطہ کمیٹی کے ڈپٹی کنوینر ڈاکٹر نصرت کا رابطہ کمیٹی کے ارکان کے ہمراہ داؤدی بوہرہ جماعت کے مرکز طاہری مسجد جا کر داؤدی جماعت کے روحانی پیشوا پیر سیدنا برہان الدین کے انتقال پر جناب الطاف حسین کی جانب سے دلی تعزیت کا اظہار
مرحوم انسانیت کیلئے قابل احترام نگاہ سے دیکھے جاتے تھے، ڈاکٹر نصرت
پیر سیدنا برہان الدین کے انتقال پر بوہرہ کمیونٹی کے دکھ میں ایم کیوایم کے تمام کارکنان شریک ہیں، ڈاکٹر نصرت
کراچی۔۔۔19؍ جنوری 2014ء
متحدہ قومی موومنٹ کی رابطہ کمیٹی کے ڈپٹی کنوینر ڈاکٹر نصرت ، رابطہ کمیٹی کے ارکان عبد الحسیب اور عادل خان نے اتوار کے روز کراچی صدر کے علاقے میں واقع داؤدی بوہرہ جماعت کے مرکز طاہری مسجد میں امیر نور الدین سے ملاقات کی اور انہیں داؤدی بوہرہ جماعت کے روحانی پیشوا پیر سیدنا برہان الدین کے انتقال پر قائدتحریک جناب الطاف حسین کا تعزیتی پیغام پہچایا۔ اس موقع پر حق پرست رکن سندھ اسمبلی محمد دلاور بھی ان کے ہمراہ تھے۔ ڈاکٹر نصرت نے پیر سیدنا برہان الدین کے انتقال پر قائد تحریک جناب الطاف حسین کی جانب سے دلی تعزیت وہمدردی کا اظہار کیا اور کہا کہ مرحوم انسانیت کیلئے قابل احترام نگاہ سے دیکھے جاتے تھے اور ان کے انتقال پر بوہرہ کمیونٹی کے دکھ میں ایم کیوایم کے تمام کارکنان شریک ہیں ۔ انہوں نے دعا کی کہ اللہ تعالیٰ سیدنا برہان الدین کو جنت الفردوس میں اعلیٰ مقام عطا فرمائے، ان کے درجات بلند فرمائے اور مرحوم کے لواحقین ، بوہرہ جماعت کے تمام رہنماؤں اور کمیونٹی کے افراد کو صبر جمیل عطا کرے۔