کراچی میں ایکسپریس ٹی وی کی وین پر مسلح دہشت گردوں کی فائرنگ پر رابطہ کمیٹی کے ڈپٹی کنوینر انجینئر ناصر جمال کا اظہار مذمت
حکومت سندھ ، جاں بحق ہونے والے افراد کے لواحقین کو فوری معاوضہ دینے کا اعلان کریں، ناصر جمال کا مطالبہ
کراچی۔۔۔18جنوری 2014ء
متحدہ قومی موومنٹ کی رابطہ کمیٹی کے ڈپٹی کنونیر انجینئر ناصر جمال نے کراچی میں ایکسپریس ٹی وی کی وین پر مسلح دہشت گردوں کی فائرنگ کی شدید مذمت کی ہے اورفائرنگ سے ایکسپریس کے کیمرہ مین،ٹیکنیشن اورگارڈ کے جاں بحق ہونے پر دلی افسو س کااظہار کیاہے اورحکومت سندھ سے مطالبہ کیاہے کہ جاں بحق ہونے والے افراد کے لواحقین کو فوری معاوضہ دینے کا اعلان کریں ۔ایک بیان میں رابطہ کمیٹی کے ڈپٹی کنوینر انجینئرناصر جمال نے کہاکہ صحافیوں پر حملے اور انہیں ہلاک و زخمی کئے جانے کے واقعات کی روک تھام کیلئے حکومت کوسنجیدگی کا مظاہرہ کرنا چاہیے تاکہ صحافی برادری اپنے فرائض کو پوری جانبداری کے ساتھ نبھاسکے۔ رابطہ کمیٹی کے ڈپٹی کنونیر انجینئر ناصر جمال نے دہشت گردوں کی فائرنگ سے جاں بحق ہونے والے ایکسپریس ٹی وی کے کیمرہ مین،ٹیکنیشن اور گارڈ کے لواحقین اورایکسپریس نیوز کے تمام ایڈیٹرز،صحافیوں اورعملے کے تمام ارکان سے دلی تعزیت کااظہارکیااوردعاکی کہ اللہ تعالیٰ جاں بحق ہونے والے افرادکواپنی جواررحمت میں جگہ دے اوران کے لواحقین کوصبرجمیل عطاکرے۔