ڈاکٹر خالد مقبول صدیقی کے ہمراہ وفد کی طاہری مسجد میں داؤدی بوہرہ جماعت کراچی کے رہنماء نور الدین بھائی صاحب سے ملاقات

کراچی۔۔۔17؍ جنوری 2014ء

متحدہ قومی موومنٹ کی رابطہ کمیٹی کے ڈپٹی کنوینرڈاکٹرخالدمقبول صدیقی کے ہمراہ ایم کیوایم کے وفدنے کراچی کے علاقے صدرمیں واقع داؤدی بوہرہ جماعت کے امیر نور الدین سے مرکزطاہری مسجد میں کر ملاقات کی اور قائد تحریک الطاف حسین اور ایم کیوایم کی جانب سے روحانی پیشوا پیر سیدنا برہان الدین کے انتقال پردلی تعزیت وہمدردی کا اظہار کیا ۔ایم کیوایم کے وفد میں رابطہ کمیٹی کے رکن ارکان محمد واسع جلیل، سیف یارخان،حق پرست رکن سندھ اسمبلی محمودعبدالرزاق اورکراچی تنظیمی کمیٹی کے انچارج واراکین شامل تھے۔ اس موقع پربوہرہ جماعت کے منوربھائی،یوسف خان صاحب اوراطہربندوق والابھی موجودتھے۔ڈاکٹرخالدمقبول صدیقی نے نور الدین بھائی صاحب سے تعزیت کااظہارکرتے ہوئے انہیں جناب الطا ف حسین کاتعزیتی پیغام پہنچایا اور کہا کہ قائد تحریک الطاف حسین سمیت پوری ایم کیوایم پیرسیدنابرہان الدین کے انتقال پردکھ اورصدمہ کی اس گھڑی میں بوہری کمیونٹی کے غم میں برابرکی شریک ہے۔انہوں نے دعاکی کہ اللہ تعالیٰ سیدنابرہان الدین کوجنت الفردوس میں اعلیٰ مقام عطاکرے ، ان کے درجات بلند فرمائے اورلواحقین سمیت بوہرہ جماعت کے تمام رہنماؤں اورکمیونٹی کویہ صدمہ برداشت کرنے کاحوصلہ عطاکرے۔(آمین)اس موقع پرنورالدین بھائی صاحب نے دکھ اورافسوس کی گھڑی میں بوہرہ جماعت کا ساتھ دینے پرجناب الطا ف حسین اورایم کیوایم کا شکریہ ادا کیا۔