ایم کیوایم شعبہ اطلاعات کے رکن قمر منصور کے والد عبد الغفور صدیقی مرحوم کی فاتحہ سوئم

کراچی:۔۔17؍ جنوری 2014ء 

متحدہ قومی موومٹ کے مرکزی شعبہ اطلاعات کے رکن قمر منصور کے والد عبدالغفور صدیقی مرحوم کے ایصال ثواب کیلئے قرآن خوانی و فاتحہ خوانی کا اجتماع جمعہ کے روز جامع مسجد بلال سیکٹر 11-C/1نارتھ کراچی میں منعقد کیا گیا ۔ سوئم کے اجتماع میں ایم کیو ایم رابطہ کمیٹی کے ڈپٹی کنوینر ناصر جمال، اراکین رابطہ کمیٹی سید حیدر عباس رضوی ، سید شاکر علی ، آنسہ ممتاز انوار ، حق پرست ارکان اسمبلی ، صوبائی وزیر شرمیلا فاروقی ، سندھ اسمبلی میں مسلم لیگ فنکشنل کے پارلیمانی لیڈر جام مدد علی ، سابق رکن قومی اسمبلی امام الدین شوقین ، جماعت اسلامی کے رہنماء سرفراز احمد ، کراچی آرٹس کونسل کے صدر اعجاز فاروقی ، کراچی تاجر اتحاد کے صدر عتیق میر ، سندھ تاجر اتحاد کے صدر فرید پراچہ اور مختلف ٹی وی چینلز اور اخبارات سے تعلق رکھنے والے صحافیوں ،نعت خواں، فنکاروں ،مختلف شعبہ ہائے زندگی سے تعلق رکھنے والے افراد ، کراچی تنظیمی کمیٹی کے ارکان ، متحدہ سوشل فورم کے ارکان ،ایم کیو ایم علماء کمیٹی کے ارکان ، ایم کیو ایم ایلڈرز ونگ کے ارکان ، اے پی ایم ایس او ، متحدہ بین المسلمین ، صوبائی تنظیمی کمیٹی، سندھ تنظیمی کمیٹی ، ایم کیو ایم شعبہ اطلاعات سمیت نائن زیرو پر تنظیمی خدمات انجام دینے والے مختلف ونگز اور شعبہ جات کے ارکان کے علاوہ مرحوم کے عزیز واقارب نے بڑی تعداد میں شرکت کی ۔