ایکسپریس ٹی وی کی وین پر مسلح دہشت گردوں کی فائرنگ کے واقعہ پر ایم کیوایم کے قائد الطاف حسین کا اظہار مذمت
فائرنگ سے ایکسپریس کے کیمرہ مین، ٹیکنیشن اور گارڈ کے جاں بحق ہونے پر دلی افسوس کا اظہار
شہرمیں قتل وغارتگری کا بازار گرم ہے لیکن حکومت بیٹھی تماشہ دیکھ رہی ہے۔ الطاف حسین
ایسامعلوم ہوتاہے کہ حکومت کا قیام امن سے کوئی تعلق نہیں ہے۔ الطا ف حسین
کراچی میں پولیس، رینجرز اور قانون نافذ کرنے والے اداروں کے ہزاروں اہلکاروں کی جگہ جگہ موجودگی کے باوجود آخر شہر میں قتل اور دہشت گردی کی کارروائیاں کس طرح ہورہی ہیں؟
ایکسپریس ٹی وی کے کیمرہ مین، ٹیکنیشن اور گارڈ کے لواحقین اور ایکسپریس نیوز کے تمام ایڈیٹرز، صحافیوں اور عملے کے تمام ارکان سے الطاف حسین کا اظہار تعزیت
لندن۔۔۔17 جنوری 2014ء
متحدہ قومی موومنٹ کے قائدجناب الطاف حسین نے کراچی میں ایکسپریس ٹی وی کی وین پر مسلح دہشت گردوں کی فائرنگ کی شدید مذمت کی ہے اورفائرنگ سے ایکسپریس کے کیمرہ مین،ٹیکنیشن اورگارڈ کے جاں بحق ہونے پر دلی افسو س کااظہار کیاہے ۔اپنے بیان میں جناب الطاف حسین نے واقعہ کی شدیدمذمت کرتے ہوئے کہاکہ شہرمیں قتل وغارتگری کابازارگرم ہے لیکن حکومت بیٹھی تماشہ دیکھ رہی ہے اورایسامعلوم ہوتاہے کہ اس کاقیام امن سے کوئی تعلق نہیں ہے ۔ انہوں نے سوال کیاکہ کراچی میں پولیس،رینجرزاورقانون نافذکرنے والے اداروں کے ہزاروں اہلکاروں کی جگہ جگہ موجودگی کے باوجود آخرشہرمیں قتل اوردہشت گردی کی کارروائیاں کس طرح ہورہی ہیں؟جناب الطا ف حسین نے دہشت گردوں کی فائرنگ سے جاں بحق ہونے والے ایکسپریس ٹی وی کے کیمرہ مین،ٹیکنیشن اور گارڈ کے لواحقین اورایکسپریس نیوز کے تمام ایڈیٹرز،صحافیوں اورعملے کے تمام ارکان سے دلی تعزیت کااظہارکیااوردعاکی کہ اللہ تعالیٰ جاں بحق ہونے والے افرادکواپنی جواررحمت میں جگہ دے اوران کے لواحقین کوصبرجمیل عطاکرے۔