داؤدی بوہرہ جماعت کے روحانی پیشوا پیر سیدنا برہان الدین کے انتقال پر ایم کیوایم کے قائد الطاف حسین کا اظہار تعزیت
سیدنا برہان الدین نے زندگی بھر امن، بھائی چارے اور احترام انسانیت کا پیغام دیا۔ الطاف حسین
امن اور احترام انسانیت کیلئے پیر سیدنا برہان الدین کی جو خدمات ہیں اسکی وجہ سے وہ تمام برادریوں اور طبقوں میں بہت عزت و احترام کی نظر سے دیکھے جاتے تھے
سیدنا برہان الدین صرف بوہری کمیونٹی ہی کیلئے نہیں بلکہ ہر امن پسند انسان کیلئے مشعل راہ تھے
ایم کیوایم دکھ اور صدمہ کی اس گھڑی میں بوہری کمیونٹی کے غم میں برابر کی شریک ہے۔ الطاف حسین
پیر سیدنا برہان الدین مرحوم کے لواحقین، بوہری جماعت کے تمام رہنماؤں اور کمیونٹی کے ایک ایک فرد سے تعزیت کرتا ہوں۔ الطاف حسین
لندن۔۔۔17 جنوری 2014ء
متحدہ قومی موومنٹ کے قائدجناب الطاف حسین نے داؤدی بوہرہ جماعت کے روحانی پیشوا پیرسیدنا برہان الدین کے انتقال پر دلی صدمہ اور گہرے رنج وغم کااظہارکیاہے ۔ اپنے تعزیتی بیان میں انہوں نے کہاکہ پیرسیدنا برہان الدین نے پوری زندگی امن، بھائی چارے اور احترام انسانیت کاپیغام دیا ، اپنی زندگی کا ایک ایک لمحہ انہوں نے اسی پیغام کیلئے گزارا اور انسانیت کی بہت خدمت کی۔ اگرچہ وہ بوہری کمیونٹی کے روحانی پیشوا تھے لیکن امن اور احترام انسانیت کیلئے ان کی جو خدمات ہیں اس کی وجہ سے وہ صرف بوہری کمیونٹی ہی میں نہیں بلکہ تمام برادریوں اور طبقوں میں بہت عزت واحترام کی نظرسے دیکھے جاتے تھے اورہم سب بھی ان کا بہت احترام کیاکرتے تھے ۔ انہوں نے مزید کہا کہ سیدنا برہان الدین صرف بوہری کمیونٹی ہی کے لئے نہیں بلکہ ہرامن پسندانسان کیلئے مشعل راہ تھے۔ جناب الطاف حسین نے کہاکہ ایم کیوایم پیرسیدنا برہان الدین کے انتقال پردکھ او رصدمہ کی اس گھڑی میں بوہری کمیونٹی کے غم میں برابرکی شریک ہے ۔ انہوں نے دعاکی کہ اللہ تعالیٰ سیدنابرہان الدین کوجنت الفردوس میں اعلیٰ مقام عطاکرے اوران کے درجات بلندفرمائے اورمرحوم کے لواحقین ، بوہری جماعت کے تمام رہنماؤں اورکمیونٹی کے ایک ایک فرد کوصبراور صدمہ برداشت کرنے کا حوصلہ عطاکرے۔