راجن پور میں خوشحال خان خٹک ایکسپریس کے قریب بم دھماکہ پر رابطہ کمیٹی کا اظہار مذمت

لندن۔۔۔17 جنوری 2014ء

متحدہ قومی موومنٹ کی رابطہ کمیٹی نے راجن پور میں خوشحال خان خٹک ایکسپریس کے قریب بم دھماکی کی سخت ترین الفاظ میں مذمت کی ہے اور دھماکے کے نتیجے میں متعدد افرادکے جاں بحق و زخمی ہونے پر گہرے دکھ اور افسوس اظہار کیا  ایک بیان میں رابطہ کمیٹی نے کہا کہ دہشت گردی اور بم دھماکوں کے ذریعے معصوم عوام کو خاک و خون میں نہلایاجارہا ہے اور جو سفاک دہشت گرد معصوم و بے گناہ لوگوں کی جان و مال سے کھیل رہے ہیں وہ ملک و قوم کے کھلے دشمن ہیں ۔ انہوں نے بم دھماکے میں شہید ہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہداء کو جنت الفردو س میں اعلیٰ مقام عطا فرمائے ، لواحقین کو صبرجمیل عطا کرے اور زخمیوں کو جلد ومکمل صحت یابی عطا فرمائے، رابطہ کمیٹی نے صدر مملکت ممنو ن حسین، وزیر اعظم میاں نواز شریف اور وفاق وزیر داخلہ چورہدی نثار علی خان سے مطالبہ کیا ہے کہ وہ راجن پور میں خوشحال خان خٹک ایکسپریس کے قریب بم دھما کہ کا نوٹس لیا جائے، اس میں ملوث دہشت گردوں کے گرفتار کرکے قرار واقعی سزا دی جائے۔