ایم کیو ایم مرکزی شعبہ اطلاعات کے رکن و سابق صوبائی وزیر قمر منصور کے والد عبدالغفور صدیقی کے انتقال پرایم کیو ایم رابطہ کمیٹی لندن اور پاکستان کا اظہار تعزیت

کراچی۔۔۔ :16؍ جنوری 2014ء 

متحدہ قومی موومنٹ کی رابطہ کمیٹی لندن اور پاکستان نے ایم کیو ایم مرکزی شعبہ اطلاعات کے رکن و سابق صوبائی وزیر قمر منصور کے والد عبدالغفورصدیقی کے انتقال پر دکھ اور افسوس کا اظہار کیا ہے۔ایک تعزیتی بیان میں رابطہ کمیٹی نے قمر منصور سمیت اہلخانہ اور تمام سوگواران سے دلی تعزیت و ہمدردی کااظہارکرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار ان کو صبر جمیل دے۔(آمین)۔ واضح رہے کہ قمر منصور کے والد عبدالغفور صدیقی گزشتہ کئی سالوں سے گردے کے عارضہ میں مبتلا تھے اور گزشتہ کئی روز سے کراچی کے مقامی اسپتال میں زیر علاج تھے ۔ مرحوم کی عمر 80برس ، مرحوم کے سوگواران میں بیوہ ،3 بیٹے 2بیٹیاں ہیں ۔ مرحوم عبدالغفور صدیقی کی نماز جنازہ بعد نماز عصر جامع مسجد بلال ، سیکٹر 11-C/1نارتھ کراچی میں ادا کی جائے گی ۔