نواب شاہ میں ہولناک ٹریفک حادثے میں متعدد بچوں کی ہلاکت پر الطاف حسین کا اظہار افسوس

لندن ۔۔۔15، جنوری 2014ء

متحدہ قومی موومنٹ کے قائد جناب الطاف حسین نے نواب شاہ میں اسکول بس اور ٹرک کے درمیان ہولناک تصادم کے نتیجے میں متعدد کمسن طلباء کے ہلاک وزخمی ہونے پر گہرے دکھ اور افسوس کا اظہار کیا ہے۔ ایک بیان میں جناب الطاف حسین نے جاں بحق ہونے والے کمسن طلباء کے سوگوارلواحقین سے دلی تعزیت وہمدردی کا اظہار کرتے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ جاں بحق ہونے والے بچوں کو اپنی جواررحمت میں اعلیٰ مقام عطافرمائے اور سوگوارلواحقین کو یہ صدمہ برداشت کرنے کا حوصلہ دے ۔ انہوں نے ٹریفک حادثے میں زخمی ہونے والے بچوں کی جلد ومکمل صحت یابی کیلئے بھی دعا کی۔