پروفیسر حسن عسکری فاطمی تعلیم، صحافت اور ادب میں بڑا مقام رکھتے تھے، رابطہ کمیٹی ایم کیوایم
ایم کیوایم کی رابطہ کمیٹی کا پروفیسر حسن عسکری فاطمی کے انتقال پر دلی تعزیت و ہمدردی کا اظہار
کراچی ۔۔۔14، جنوری 2014ء
متحدہ قومی موومنٹ کی رابطہ کمیٹی نے اردو یونیورسٹی شعبہ ابلاغ کے بانی چیئرمین ، معروف سینئر صحافی اور دانشور پروفیسر حسن عسکری فاطمی کے انتقال پر گہرے دکھ اور افسوس کااظہار کیا ہے۔ ایک تعزیتی بیان میں رابطہ کمیٹی نے کہا کہ مرحوم شعبہ تعلیم ، صحافت اور ادب میں نہ صرف بڑا مقام رکھتے تھے بلکہ ان کی خدمات اس سلسلے میں ناقابل فراموش ہیں اورہر شخص ان کی خدمات کو قدر کی نگاہ سے دیکھتا ہے۔رابطہ کمیٹی نے مرحوم کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور دعا کی کہ اللہ تعالیٰ مرحوم کوجنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)