حق پرست عوام و کارکنان قمر منصور کے والد عبد الغفور صدیقی کی جلد و مکمل صحت یابی کیلئے دعا کریں، الطاف حسین کی اپیل
رابطہ کمیٹی کے ڈپٹی کنوینر خالد مقبول صدیقی کے ہمراہ رابطہ کمیٹی کے ارکان نے مقامی اسپتال میں قمر منصور کے والد کی عیادت کی
لندن:۔۔۔14؍جنوری2014ء
متحدہ قومی موومنٹ کے قائدجناب الطاف حسین نے سابق حق پرست رکن اسمبلی ومرکزی شعبہ اطلاعات کے رکن قمر منصور کے والد عبد الغفور صدیقی کی علالت پرگہری تشویش کا اظہار کیا ہے اوران کی جلدومکمل صحت یابی کیلئے دعا کی ہے۔ ایک بیان میں جناب الطاف حسین نے حق پرست عوام خصوصاً ماؤں، بہنوں، بزرگوں اور نوجوانوں سے اپیل کی کہ وہ عبدالغفورصدیقی کی جلدومکمل صحت یابی کیلئے اللہ تعالیٰ کے حضوردعاکریں۔
دریں اثناء ایم کیوایم کی رابطہ کمیٹی کے ڈپٹی کنوینر ڈاکٹر خالد مقبول صدیقی کے ہمراہ ارکان رابطہ کمیٹی احمد سلیم صدیقی اور رشید گوڈئل نے کراچی کے مقامی اسپتال کا دورہ کیا اور اسپتال میں زیرعلاج سابق حق پرست رکن سندھ اسمبلی ومرکزی شعبہ اطلاعات کے رکن قمر منصورکے والدعبدالغفورصدیقی کی عیادت کی اورقائد تحریک جناب الطاف حسین کی جانب سے ان کی خیریت دریافت کی وہ کچھ دیروہاں رہے اورانہوں نے عبدالغفورصدیقی کی صحت یابی کیلئے بھی دعاکی ۔