ایم کیوایم شعبہ خواتین کے نمائندہ وفدکی ایس پی چوہدری اسلم شہیدکی اہلیہ سے گھرجاکرتعزیت
چوہدری اسلم بہادراورنڈرانسان تھے جنہوں نے دہشت گردی کے خاتمے کیلئے اپنی زندگی وقف کردی،شعبہ خواتین ایم کیوایم
کراچی:۔۔۔13، جنوری 2014ء
متحدہ قومی موومنٹ شعبہ خواتین کے نمائندہ وفدنے گذشتہ دنوں عیسیٰ نگری کے قریب لیاری ایکسپریس وے پردہشت گردی کے واقعے میں شہیدہونیوالے ایس پی سی آئی ڈی چوہدری محمد اسلم کی رہائشگاہ جاکرشہیدکی اہلیہ نورین اسلم اوردیگرسوگواراہل خانہ سے ان کی رہائشگاہ پرملاقات کی اورواقعے کی شدیدالفاظ میں مذمت کرتے ہوئے قائد جناب الطاف حسین کی جانب سے چوہدری اسلم کی المناک شہادت پردلی تعزیت وہمدردی کااظہار کیا۔ایم کیوایم کے وفدمیں سابق رکن قومی اسمبلی محترمہ خوش بخت شجاعت، ڈاکٹرفوزیہ حمید،ڈاکٹرلیلیٰ پروین، ارم فاروقی اوریاسمین جاویدشامل تھیں۔اس موقع پرشعبہ خواتین کے وفدکے ارکان نے کہاکہ چوہدری محمداسلم بہادراورنڈرانسان تھے جنہوں نے اپنی زندگی دہشت گردی کے خاتمے اورشہریوں کوامن وسکون فراہم کرنے کیلئے وقف کررکھی تھی۔انہوں نے چوہدری اسلم شہیدکوزبردست خراج عقیدت پیش کرتے ہوئے کہاکہ شہید کے کارناموں کوہمیشہ یادرکھاجائے۔ اس موقع پرچوہدری اسلم شہیدکی اہلیہ نورین اسلم نے تعزیت کرنے پرجناب الطاف حسین اورایم کیوایم کاشکریہ اداکیا۔بعدازاں شعبہ خواتین کے ارکان نے دعاکی کہ اللہ تعالیٰ چوہدری محمداسلم شہیداوران کی ٹیم کے اہلکاروں کوجنت الفردوس میں اعلیٰ مقام عطافرمائے اورسوگوارلواحقین کوصبرجمیل عطاکرے۔ (آمین)