اعلیٰ عدلیہ کے احکامات کی روشنی میں سندھ بھر میں فی الفور بلدیاتی انتخابات کرائے جائیں، متحدہ قومی موومنٹ

کراچی ۔۔۔13، جنوری 2014ء 

متحدہ قومی موومنٹ نے ہائی کورٹ کی فیصلے کی روشنی میں فی الفوربلدیاتی انتخابات کرائے کا ایک بار پھر مطالبہ کیا ہے اور کہا ہے کہ بلدیاتی انتخابات کے غیرضروری التواء ے باعث کراچی سمیت سندھ بھرمیں شہری مسائل نہ صرف پیدا ہورہے ہیں بلکہ ان میں دن بہ دن اضافہ ہوتا جارہا ہے، عوام کے عظیم ترمفادمیں ہے کہ بلدیاتی انتخابات عدلیہ کی احکامات کی روشنی فی الفورکرادیئے جائیں۔ اپنے ایک بیان میں رابطہ کمیٹی نے کہا کہ خصوصی طور پر کراچی اور سندھ بھرمیں تباہ حال سڑکیں اورصحت وصفائی کے مسائل نے تشویشناک صورتحال اختیارکرلی ہے جس پرقابوپانے کی فوری ضرورت ہے اوراس کاواحدحل بروقت اورپرامن بلدیاتی انتخابات میں ہی پوشیدہ ہے اورویسے بھی ایک مضبوط جمہوریت کی کامیابی اس کا تسلسل بلدیاتی انتخابات اورعوامی نمائندگی کے انتخاب کے بغیر ناممکن ہے۔بلدیاتی انتخابات کے بغیرمضبوط مستحکم اورپائیدارجمہوریت کاتصوربھی نہیں کیاجاسکتا۔ رابطہ کمیٹی نے کہا ہے کہ ہوناتویہ چاہئے کہ حکومت سندھ ،سندھ بھرمیں بلدیاتی انتخابات انعقادکویقینی اورشفاف کراتی وہ اپنے اقدامات سے یہ تاثردے رہے ہے کہ وہ بلدیاتی انتخابات کرانے میں اس طرح کی سنجیدہ نہیں ہے جس طرح ہونا چاہئے۔