ایم کیوایم کے قائد الطاف حسین کی سپریم کورٹ بار کی سابق صدر اور انسانی حقوق کی ممتاز رہنما عاصمہ جہانگیر سے فون پر گفتگو
قائد تحریک الطاف حسین نے موجودہ حالات کے بارے میں جراتمندانہ مؤقف اختیار کرنے پر عاصمہ جہانگیر کو بہادر اور Bravo خاتون قرار دیا
پرویز مشرف کے خلاف آئین کے آرٹیکل 6کے تحت غداری کے مقدمے کے حوالے سے آپ نے جو اصولی اور جراتمندانہ مؤقف اختیار کیا ہے وہ قابل تعریف ہے۔ الطاف حسین
آپ نے حق اور سچ بیان کرنے میں مردوں کو بھی پیچھے چھوڑ دیا ہے، اس جرات و ہمت پر آپ کو خراج تحسین پیش کرتے ہیں۔ الطاف حسین کی عاصمہ جہانگیر سے گفتگو
اس وقت سب کو سچ بولنا چاہیے اور حقیقت پسندانہ سوچ و فکر اختیار کرنا چاہیے۔ عاصمہ جہانگیر
ہمیں یہ سمجھنا چاہیے کہ انتقام کا طرز عمل اختیار کرکے ہم ملک کو کہاں لے جارہے ہیں۔ عاصمہ جہانگیر
آپ کی جانب سے اٹھائے گئے نکات حقیقت پسندانہ ہیں۔ عاصمہ جہانگیر کی قائد تحریک الطاف حسین سے گفتگو
لندن۔۔۔ 12 جنوری 2014ء
متحدہ قومی موومنٹ کے قائد جناب الطاف حسین نے سپریم کورٹ بارکی سابق صدراورانسانی حقوق کمیشن آف پاکستان کی سابق صدر محترمہ عاصمہ جہانگیرسے فون پر گفتگوکی اور موجودہ حالات کے بارے میں جراتمندانہ مؤقف اختیارکرنے پر انہیں بہادر اورBravo خاتون قراردیا۔ جناب الطاف حسین نے عاصمہ جہانگیرسے گفتگو کرتے ہوئے کہا کہ موجودہ حالات خصوصاً سابق صدرجنرل پرویز مشرف کے خلاف آئین کے آرٹیکل 6کے تحت غداری کے مقدمے کے حوالے سے آپ نے جواصولی اورجراتمندانہ مؤقف اختیار کیا ہے وہ قابل تعریف ہے۔ آپ نے حق اورسچ بیان کرنے میں مردوں کوبھی پیچھے چھوڑ دیا ہے اور آپ کی جرات وہمت پر ہم آپ کو خراج تحسین پیش کرتے ہیں۔ محترمہ عاصمہ جہانگیر نے جناب الطاف حسین کے خیالات پر ان کا شکریہ ادا کیا اور کہا کہ اس وقت سب کو سچ بولناچاہیے اورحقیقت پسندانہ سوچ وفکراختیارکرناچاہیے۔محترمہ عاصمہ جہانگیرنے پرویزمشرف کے خلاف آرٹیکل 6 کے تحت مقدمہ کے حوالے سے جناب الطا ف حسین کی جانب سے اٹھائے گئے نکات کوحقیقت پسندانہ قراردیااورکہاکہ ہمیں یہ سمجھناچاہیے کہ انتقام کا طرزعمل اختیارکرکے ہم ملک کوکہاں لے جارہے ہیں۔