مری میں دو بسوں کے کھائی میں گرنے سے متعدد افراد کے جاں بحق و زخمی ہونے پر جناب الطاف حسین کا اظہار افسوس

کھائی میں پھنسے ہوئے لوگوں کو نکالنے کے لئے فوری امدادی کاروائیاں کی جائے، جناب الطاف حسین کا حکوت سے مطالبہ
لندن ۔۔۔8، جنوری 2014ء

متحدہ قومی موومنٹ کے قائد جناب الطاف حسین نے مری میں دو بسوں کی کھائی میں گرنے سے متعدد افراد کے جاں بحق و زخمی ہونے پر گہرے دکھ اور افسوس کا اظہار کیا ہے اور حکومت سے مطالبہ کیاہے کہ کھائی میں پھنسے ہوئے لوگوں کو نکالنے کے لئے فوری امدادی کاررائیاں کی جائے اور اس قسم کے حادثات کی روک تھام کیلئے ٹھوس و مثبت اقدام کئے جائے تاکہ قیمتی انسانی جانوں کو تحفظ فراہم کیا جائے۔ایک تعزیتی بیان جناب الطاف حسین نے جاں بحق ہونے والے افراد کے سوگوار لواحقین سے دلی تعزیت و ہمدردی اظہار کر تے ہوئے انہیں صبر کی تلقین اوردعا کی کہ اللہ تعالیٰ جاں بحق ہونے والے افراد کو جنت الفردوس میں اعلیٰ مقام عطا کرے اور سو گوار لواحقین کو یہ صدمہ برداشت کرنے کا حوصلہ دے۔ آمین، جناب الطاف حسین نے حادثے میں زخمی ہونے والے افراد کے لئے جلد و مکمل صحت یابی کیلئے دعا کی۔