سابق چیف آف آرمی اسٹاف اور سابق صدر مملکت جنرل پرویز مشرف کی علالت اورمیڈیکل رپورٹس پر ایم کیوایم کے قائد الطاف حسین کا اظہار تشویش
اللہ تعالیٰ جنرل پرویز مشرف کو صحت کاملہ و عاجلہ عطا فرمائے۔ الطاف حسین
عوام سے اپیل ہے کہ وہ جنرل پرویز مشرف کی صحتیابی کیلئے دعا کریں۔ الطاف حسین
علاج کرنے والے ڈاکٹرز سے بھی درخواست ہے کہ جنرل پرویز مشرف کے علاج معالجہ پر پوری توجہ دیں اور ان کے علاج میں کوئی کسر نہ چھوڑیں۔ الطاف حسین
لندن ۔۔۔۔7 جنوری 2014ء
متحدہ قومی موومنٹ کے قائد جناب الطاف حسین نے سابق چیف آف آرمی اسٹاف اورسابق صدر مملکت جنرل پرویزمشرف کی علالت اور میڈیکل رپورٹس پر تشویش کا اظہار کرتے ہوئے اللہ تعالیٰ کے حضوردعاکی ہے کہ وہ جنرل پرویز مشرف کو صحت کاملہ و عاجلہ عطا فرمائے۔ انہوں نے عوام سے اپیل کی کہ وہ جنرل پرویز مشرف کی صحتیابی کیلئے دعا کریں۔ انہوں نے جنرل پرویزمشرف کا علاج کرنے والے ڈاکٹرزسے بھی درخواست کی کہ جنرل پرویزمشرف کے علاج معالجہ پرپوری توجہ دیں اوران کے علاج میں کوئی کسر نہ چھوڑیں۔