ایم کیوایم پاک کالونی سیکٹر یونٹ 186 کے کارکن عارف الدین کے قتل پر رابطہ کمیٹی کا اظہار مذمت
وفاقی حکومت ایم کیوایم کے کارکنان کا تسلسل کے ساتھ قتل عام کا فی الفور نوٹس لے
عارف الدین کے قتل میں ملوث سفاک دہشت گردوں اور ان کے سرپرستوں کو فوری گرفتار کیاجائے
کراچی ۔۔7جنوری 2014ء
متحدہ قومی موومنٹ کی رابطہ کمیٹی نے مسلح دہشت گردوں کی فائرنگ سے ایم کیوایم پاک کالونی سیکٹر یونٹ 186کے کارکن عارف الدین کے قتل پر شدید الفا ظ میں مذمت کی ہے اور واقعہ کو شہر کے امن کوسبوتاژ کرنے کی گھناؤنی سازش کا حصہ قرار دیا ہے ۔ ایک بیان میں رابطہ کمیٹی نے کہا کہ ایسا لگتا ہے کہ شہر میں قانون نام کی کوئی چیز نہیں ہے جہاں دہشت گرد نہ صرف آزاد گھوم رہے ہیں بلکہ وہ قتل و غارتگری کی کارروائیوں میں مصروف عمل ہیں ۔انہوں نے کہا کہ عارف الدین منگل کی سہ پہر پاک کالونی میں واقع اپنی دکان پر بیٹھے تھے کہ نامعلوم مسلح افراد نے ان پر اندھادھند فائر نگ کر دی جس کے نتیجے میں وہ موقع پر ہی شہید ہو گئے جبکہ قاتل ہمیشہ کی طرح باآسانی فرار ہوگئے جس کی جتنی بھی مذمت کی جائے کم ہے ۔ رابطہ کمیٹی نے وفاقی حکومت سے مطالبہ کیا ہے ایم کیوایم کے کارکنان کا تسلسل کے ساتھ قتل عام کا فی الفور نوٹس لیا جائے اور دہشت گردی کے واقعات میں ملوث سفاک دہشت گردوں اور ان کے سرپرستوں کو فوی طور پر گرفتار کر کے قانون کے کٹہرے میں لایا جائے۔ رابطہ کمیٹی نے عارف الدین شہید کے سوگوارلواحقین سے دلی تعزیت وہمدردی کا اظہار کر تے ہوئے شہید کی مغفرت اور سوگواران کیلئے صبر جمیل کی دعا کی ہے۔