ایم کیوایم مہاجروں کے کی تذلیل کے خلاف ایک مقامی ٹیلی ویژن (اے آر وائی )کے دفتر کے سامنے واقعہ مدینہ شاپنگ مال زیب النساء اسٹریٹ پر پرامن احتجاج کرے گی

کراچی ۔۔۔7، جنوری 2014ء 

متحدہ قومی موومنٹ کے تحت آج شام 5بجے ایک مقامی ٹیلی ویژن (اے آر وائی ) کے دفتر کے سامنے واقع مدینہ شاپنگ مال زیب النساء اسٹریٹ پرپرامن احتجاجی مظاہرہ کیاجائے گا ۔ اے آر وائی ٹی وی کی جانب سے مہاجروں کا مذاق اڑانے اور ان کی تذلیل کرنے پر ایم کیوایم کے کارکنان و عوام میں شدید غم وغصہ پایاجاتا ہے ۔ کارکنان و عوام میں پائے جانے والے تشویش کے باعث رابطہ کمیٹی کا ہنگامی اجلاس ہوا جس میں یہ طے کیا گیا کہ آج شام 5بجے اے آر وائی کے دفتر کے سامنے بانیانِ پاکستان اور ان کی الادوں کی تذلیل کرنے کے خلاف پرامن احتجاج کیاجائے گا ۔ مہاجروں کی تذلیل کے خلاف ہونے والا پرامن احتجاج ایم کیوایم کی ویب سائٹ پر MQM TVپر بھی دیکھا جاسکتا ہے ۔

دریں اثناء ایم کیوایم کی رابطہ کمیٹی نے ایم کیوایم کے کارکنان و ہمدردوں سے کہا کہ وہ پرامن احتجاجی مظاہرے میں شرکت کیلئے زیادہ سے زیادہ تعداد میں اے آر وائی کے دفتر پہنچیں۔