ایم کیوایم کی رابطہ کمیٹی کے رکن اور ایم پی اے سندھ اسمبلی اشفاق احمد منگی کا جئے سندھ قومی محاذ کے
چیئرمین عبد الواحد آریسر سے ٹیلی فون پر رابطہ
جناب الطاف حسین سندھ کے حقوق کیلئے کسی بھی قربانی سے دریغ نہیں کریں گے ، اشفاق احمد منگی
دونوں رہنماؤں کے درمیان سندھ دھرتی کے حقوق کیلئے ملکر جدوجہد کرنے پر اتفاق رائے پایا گیا ، عنقریب ملاقات بھی متوقع ہے
کراچی ۔۔۔6، جنوری 2014ء
متحدہ قومی موومنٹ کی رابطہ کمیٹی کے رکن اور ایم پی اے سندھ اسمبلی اشفاق احمد منگی نے کہا کہ قائد تحریک الطاف حسین سندھ کے حقوق اور مستقل باشندوں کے درمیان محبت و یکجہتی ، امن و خوشحالی کیلئے کسی بھی قسم کی قربانی سے دریغ نہیں کریں گے ۔انہوں نے یہ بات آج جئے سندھ قومی محاذ کے چیئرمین عبد الواحد آریسر سے ٹیلی پر گفتگو کرتے ہوئے کہی ۔ اس موقع پر دونوں رہنماؤں کے درمیان سندھ دھرتی کے حقوق کیلئے ملکر جدوجہد کرنے پر اتفاق رائے پایا گیا اور اس سلسلے میں دونوں رہنماؤں کی عنقریب ملاقات بھی متوقع ہے ۔