ایم کیوایم کی رابطہ کمیٹی کے ڈپٹی کنوینر ڈاکٹر خالد مقبول صدیقی اور انجینئر ناصر جمال نے جمعہ اور ہفتہ کی درمیانی شب 5جنوری کو ایم کیوایم کے تحت گلشن اقبال میں ہونے والے جلسہ عام کی جگہ کا دورہ کیا
رابطہ کمیٹی نے جلسہ عام کی تیاریوں میں مصروف کارکنان کو جناب الطاف حسین کی جانب سے زبردست خراج تحسین پیش کیا
جلسہ عام کے سلسلے میں کارکنان و عوام میں پائے جانے والے والہانہ جوش و جذبے کو بھی رابطہ کمیٹی نے سراہا
کراچی ۔۔۔4، جنوری 2014ء
متحدہ قومی موومنٹ کی رابطہ کمیٹی کے ڈپٹی کنوینر ز ڈاکٹر خالد مقبول صدیقی اور انجینئر ناصر جمال نے جمعہ اور ہفتہ کی درمیانی شب رابطہ کمیٹی کے دیگر اراکین کے ہمراہ گلشن اقبال میں5، جنوری بروز اتوار کو الہ دین پارک سے متصل میدان ہونے والے جلسہ عام کی جگہ کا دورہ کیا اور جلسہ عام کی تیاریوں اور انتظامات کا جائزہ لیا۔ اس موقع پر ایم کیوایم کے مختلف ونگز اور شعبہ جات کے اراکین بھی ان کے ہمراہ تھے۔ رابطہ کمیٹی نے جلسہ عام کی تیاریوں میں مصروف کارکنان سے ملاقاتیں کیں اورجلسہ عام کی تیاریوں پر اطمینان کااظہار کیا ۔ رابطہ کمیٹی جلسہ عام کی تیاریوں میں مصروف کارکنان کو قائد تحریک جناب الطاف حسین کی جانب سے زبردست خراج تحسین پیش کیا اور جلسہ عام کے سلسلے میں کارکنان و عوام میں پائے جانے والے جوش وجذبے کو سراہا۔