حیدرآباد جلسہ عام میں اسٹیج پر ’’قومی یکجہتی ‘‘ کے حوالے سے بچوں اور بچیوں نے ٹیبلو پیش کیا
حیدرآباد۔۔۔3، جنوری 2014ء
متحدہ قومی موومنٹ کے زیراہتمام باغ مصطفی گراؤنڈ لطیف آباد 8حیدرآباد میں منعقدہ جلسہ عام میں اسٹیج پر ’’قومی یکجہتی ‘‘ کے حوالے سے ٹیبلو پیش کیا گیا ۔ ٹیبلو میں بچوں اور بچیوں نے معروف گلو کار اور ڈانسر امجد رانا کی سربراہی میں سندھی ، پنجابی ، پختون ، بلوچی زبان میں بنائے گئے گیت ’’ہم سب پاکستانی ہیں اور سارا پاکستان ہمارا ‘‘ پر خوبصورت پرفارمنس پیش کی جسے جلسہ عام کے شرکاء نے زبردست انداز میں سراہا اور تالیاں بجا کر انہیں زبردست خراج تحسین پیش کیا گیا ۔ ٹیبلو میں بچوں اور بچیوں نے قومی اور ایم کیاویم کے پرچم بھی اٹھا رکھے تھے ۔