سابق صدر پرویز مشرف کے و کلاء کو دھمکیاں دیا جانا اور سرکاری وکلاء کی طرف سے انکے خلاف ناشائستہ زبان استعمال کرناقابل مذمت ہے۔
ایم کیوایم رابطہ کمیٹی کے ڈپٹی کنوینرڈاکٹرنصرت،رابطہ کمیٹی کے ارکان رشیدگوڈیل اورکنورخالدیونس کامشترکہ بیان
پرویز مشرف کے وکلاء کوہراساں کرنانہ صرف انتہائی غیرمہذب عمل ہے بلکہ عدالتی وقار اور اقدارکے منافی بھی ہے
ایسی صورتحال میں مقدمے کی سماعت کی شفافیت اور غیر جانبداری متاثر ہونے کا خدشہ ہے
مقدمے کی کاروائی میرٹ پر ہونی چاہیے اور اس سلسلے میں تمام قانونی تقاضے پورے کئے جانے چاہئیں
سابق صدرپرویز مشرف کے وکلاء کوہراساں کرنے کا نوٹس لیاجائے اورانہیں مکمل آزادی کے ساتھ عدالت میں اپنے مؤکل کادفاع کرنے کاحق دیاجائے
کراچی۔۔۔ 2 جنوری 2014ء
متحدہ قومی مومنٹ کی رابطہ کمیٹی کے ڈپٹی کنوینرڈاکٹرنصرت،رابطہ کمیٹی کے ارکان رشیدگوڈیل اورکنورخالدیونس نے آج سابق صدر پرویز مشرف کے و کلاء کو دھمکیاں دیے جانے اور سرکاری وکلاء کی طرف سے انکے خلاف نا شائستہ زبان استعمال کرنے کی شدید مذمت کرتے ہوئے کہا ہے کہ سرکاری وکلاء کی طرف سے مقدمے کی سماعت کے دوران دھمکی آمیز رویہ اختیار کرنااورجنرل پرویز مشرف کے وکلاء کوہراساں کرنانہ صرف انتہائی غیرمہذب عمل ہے بلکہ عدالتی وقار اور اقدارکے منافی بھی ہے اورایسی صورتحال میں مقدمے کی سماعت کی شفافیت اور غیر جانبداری متاثر ہونے کا خدشہ ہے۔ انہوں نے کہا کہ انصاف کے تقاضوں کے تحت وکلاء کو غیر اخلاقی ہتھکنڈے اپنانے کے بجائے دلائل کے ذریعے مقدمے کی پیروی کرنی چاہیے۔ رابطہ کمیٹی کے ارکان نے مزید کہا کہ مقدمے کی کاروائی میرٹ پر ہونی چاہیے اور اس سلسلے میں تمام قانونی تقاضے پورے کئے جانے چاہئیں ۔رابطہ کمیٹی کے ارکان نے عدلیہ سے بھی اپیل کی کہ سابق صدرپرویز مشرف کے وکلاء کوہراساں کرنے کا نوٹس لیاجائے اورانہیں مکمل آزادی کے ساتھ عدالت میں اپنے مؤکل کادفاع کرنے کاحق دیاجائے۔ رابطہ کمیٹی نے جنرل پرویز مشرف کی صحتیابی کیلئے د عا کی اور نیک خواہشات کا اظہار بھی کیا ۔