بلاول زرداری یہ نہ بھولیں کہ ان کے والد نے عدالت میں پیش ہونے سے بچنے کیلئے Dementiaیعنی پاگل پن کے سرٹیفکیٹس، سوئس عدالت میں پیش کردیئے تھے
لندن ۔۔۔2 دسمبر2014ء
متحدہ قومی موومنٹ کی رابطہ کمیٹی کے سینئررکن محمدانورنے کہاہے کہ پیپلزپارٹی کے سرپرست بلاول زرداری نے سابق صدرپرویز مشرف کو دل کادورہ پڑنے کی خبر پر جوتضحیک آمیزتبصرہ کیاہے وہ بہت افسوسناک ہے اور اس پر ہرذی شعور پاکستانی کوشدیدصدمہ پہنچا ہے۔انہوں نے کہاکہ جنرل پرویز مشرف کوبزدلی کاطعنہ دینے سے پہلے بلاول زرداری یہ نہ بھولیں کہ سوئس عدالتوں میں مقدمات سے ان کے والد اس قدرخوف وہراس کا شکارہوگئے تھے کہ انہوں نے عدالت میں پیش ہونے سے بچنے کیلئے Dementiaیعنی پاگل پن کے سرٹیفکیٹس، سوئس عدالت میں پیش کردیئے تھے اوران سرٹیفکیٹس کوعدالت میں حاضری سے استثناء کے عذرکے طورپر پیش کرتے رہے۔ محمدانور نے کہاکہ میں غروروتمکنت کاشکاربلاول زرداری کومشور ہ دوں گاکہ وہ کسی کے رویہ اورکردار پر کیچڑاچھالنے سے پہلے اورا پنے اہل خانہ کے کردارپر نظرڈالیں تویہ ان کے حق میں بہترہوگا۔