ایم کیوایم کے قائد الطاف حسین کی جانب سے قوم کو نئے سال کی مبارکباد
اللہ تعالیٰ نئے سال میں پاکستان کو سنگین مسائل و مشکلات اور خطرات سے نکالے۔ الطاف حسین
لندن۔۔۔۔31دسمبر2013ء
متحدہ قومی موومنٹ کے قائد جناب الطاف حسین نے پوری قوم کو نئے سال 2014ء کی مبارکباد پیش کرتے ہوئے دعاکی ہے کہ اللہ تعالیٰ اس نئے سال میں پاکستان کو سنگین مسائل ومشکلات اور خطرات سے نکالے، ملک کو دہشت گردی اور فرقہ واریت کے عفریت سے نجات دلائے ،ملک کے حکمرانوں کو قومی مسائل کے حل کیلئے جراتمندانہ فیصلے کرنے اور حقیقت پسندانہ طرزعمل اورسوچ و فکراختیارکرنے کی توفیق عطاکرے۔عوام کی مشکلات کا خاتمہ کرے اور پاکستان کے عوام میں اتحاد ویکجہتی پیدا کرے۔