ایم کیوایم کی علماء کمیٹی کے رکن، سابق حق پرست کونسلر اور ایم کیوایم کے سینئر کارکن سید وحید الحسن رضوی (چچا وحید) مرحوم کا جمعہ کے روز امام بارگاہ حسینی ملیر میں سوئم کا اجتماع

کراچی:۔۔27؍ دسمبر 2013ء

متحدہ قومی موومنٹ کی علماء کمیٹی کے رکن ، سابق حق پرست کونسلر اور ایم کیو ایم کے سینئر کارکن سید وحید الحسن رضوی( چچا وحید) مرحوم کا جمعہ کے روز امام بارگاہ حسینی ملیر برف خانہ میں سوئم کا اجتماع منعقد ہوا جس میں مرحوم کی روح کے ایصال ثواب کیلئے مجلس اور قرآن خوانی و فاتحہ خوانی کی گئی اور مرحوم کو خراج عقیدت پیش کیا گیا، سوئم کے اجتماع میں رابطہ کمیٹی کے ارکان احمد سلیم صدیقی، اشفاق منگی، حق پرست ارکان اسمبلی ساجد احمد ، انور رضا ، ندیم راضی ، ایم کیو ایم علماء کمیٹی کے انچارج جاوید احمد و اراکین ، علاقائی یونٹس و سیکٹر کے ذمہ داران، کارکنان و ہمدردوں سمیت مرحوم کے عزیزاقارب نے بڑی تعداد میں شرکت کی۔