ایم کیوایم شاہ فیصل کالونی سیکٹرکے کارکن محمد شمیم کے انتقال پر الطاف حسین کا اظہار افسوس

لندن:۔۔۔27، دسمبر2013ء 

متحدہ قومی موومنٹ کے قائد جناب الطاف حسین نے حرکت قلب بندہوجانے کے باعث ایم کیوایم شاہ فیصل کالونی سیکٹرکے کارکن محمدشمیم کے اچانک انتقال پرگہرے رنج وغم اورافسوس کا اظہار کیا ہے۔ ایک تعزیتی بیان میں جناب الطاف حسین نے محمد شمیم مرحوم کے سوگوارلواحقین سے دلی تعزیت وہمدردی کا اظہار کرتے ہوئے انہیں صبرکی تلقین کی اورکہاکہ دکھ اورافسوس کی گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ محمدشمیم کواپنی جواررحمت میں اعلیٰ مقام عطافرمائے اور سوگوار لواحقین کویہ صدمہ برداشت کرنے کاحوصلہ دے۔(آمین)

علاوہ ازیں شاہ فیصل کالونی سیکٹریونٹ107کے کارکن47سالہ محمدشمیم ولدسیدحسین شادی شدہ تھے اورانہوں نے سوگواران میں بیوہ،تین بیٹے اوردو بیٹاں چھوڑی ہیں۔ محمد شمیم مرحوم کوسینکڑوں سوگواران کی آہوں اورسسکیوں کے درمیان کالونی گیٹ قبرستان شاہ فیصل کالونی میں سپرد خاک کردیا گیا۔ مرحوم کی نماز جنازہ بعد نماز عشاء جامع مسجدنورچورنگی شاہ فیصل کالونی نمبر3میں اداکی گئی ،نمازجنازہ اورتدفین میں حق پرست اراکین قومی وصوبائی اسمبلی،کراچی تنظیمی کمیٹی کے ارکان،شاہ فیصل کالونی سیکٹر کمیٹی کے ارکان،یونٹ کمیٹیوں کے ذمہ داران، کارکنان، ہمدردوں اورمرحوم کے عزیزواقارب نے بڑی تعدادمیں شرکت کی۔