پی آئی اے کے تمام ملازمین کو ادارے کی بقاء اور ترقی کیلئے دن رات انتھک محنت سے کام کرنا پڑے گا،حیدر عباس رضوی
الائنس آف فرینڈ ز پینل کے عہدیداران کی نائن زیرو آمدکے موقع پر مبارکباد اور نیک خواہشات کا اظہار
کراچی:۔۔۔26؍دسمبر2013ء
پاکستان انٹرنیشنل ائیرلائن(پی آئی اے)میں سینئر اسٹاف آفیسر ایسوسی ایشن کے سالانہ انتخابات میں متحدہ قومی موومنٹ اور پاکستان مسلم لیگ (ن) کے اشترا ک سے نامزد کردہ پینل الائنس آف فرینڈز نے کلین سوئپ کرکے پی آئی اے میں بھرپور کامیابی حاصل کرلی ہے۔علاوہ ازیں کامیاب پینل الائنس آف فرینڈزکے مرکزی عہدیداران جنرل سیکریٹری صفدرانجم اورسینئر نائب صدر نیئر احمد جیلانی کے ہمراہ نومنتخب عہدیداران نے خورشید بیگم سیکریٹریٹ عزیزآبادمیں ایم کیو ایم کی رابطہ کمیٹی اراکین حیدر عباس رضوی ،عامرخان اور عادل خان سے ملاقات کی ۔اس موقع پرحیدرعباس رضوی نے کہا کہ پی آئی اے ایک قومی ادارہ ہے جو دنیابھر میں پاکستان کی نشانی کے طورپر جانا پہچانا جاتا ہے۔انہوں نے الائنس آف فرینڈ ز کے تمام عہدیداران کوقائدتحریک جناب الطاف حسین کی جانب سے مبارکبادی اورکہاکہ ایم کیوایم بلاامتیازرنگ ونسل خدمت پریقین رکھتی ہے اورقائدتحریک جناب الطاف حسین کابھی یہی درس ہے۔انہوں نے عہدیداران کومخاطب کرتے ہوئے کہاکہ ادارے کے ملازمین نے آپ پراعتمادکااظہارکیاہے اوراب آپ بھی بلاامتیازرنگ و نسل ادارے کے تمام ملازمین کے حقوق اوران کے مسائل کے حل کیلئے نہ صرف آوازبلندکریں بلکہ ادارے کی ترقی میں اپنا بھرپور کردار ادا کریں تاکہ ادارہ مضبو ط ومستحکم ہوکر پاکستان کی معاشی حالت بہترکرداراداکرسکے۔اس موقع پر انچارج لیبرڈویژن کاظم رضااور جوائنٹ انچارجز بھی موجود تھے ۔ بعدازاں انچارج لیبرڈویژن کاظم رضا نے الائنس آف فرینڈز کے عہدیداران کودل کی گہرائیوں سے مبارک باد پیش کی اور کہا کہ انشاء اللہ ہم سب اس اتحاد کو قائم رکھتے ہوئے بھرپور عزم و حوصلے سے ادارے اور ملازمین کی بہتر ی کیلئے کام کرتے رہیں گے۔