متحدہ قومی موومنٹ کی علماء کمیٹی کے رکن وسابق حق پرست کونسلرسیدوحیدالحسن رضوی مرحوم کربلا میں سپردخاک
سوئم جمعہ کوملیرکی حسینی امام بارگاہ میں ہوگاجس میں مرحوم کی روح کے ایصال ثواب کیلئے فاتحہ خوانی کی جائیگی
کراچی۔۔۔26 دسمبر2013ء
متحدہ قومی موومنٹ کی علماء کمیٹی کے رکن، سابق حق پرست کونسلر اورایم کیوایم کے سینئرکارکن سیدوحیدالحسن رضوی (چچاوحید)مرحوم کوان کی وصیت کے مطابق کربلا میں سپرد خاک کردیا گیا،مرحوم کی نمازجنازہ روزہ امام حسینؓ پراداکی گئی جس میں سابق حق پرست ناظم جعفرالحسن تقوی ودیگرعزیزواقارب نے شرکت کی اورمرحوم کی مغفرت ،ان کے درجات کی بلندی اورسوگواران کے صبرجمیل کیلئے فاتحہ خوانی کی۔علاوہ ازیں سیدوحیدالحسن رضوی (چچاوحید)مرحوم کاسوئم جمعہ کے روزشام چاربجے امام بارگاہ حسینی ملیربرف خانہ میں ہوگاجس میں چچاوحیدمرحوم کی روح کے ایصال ثواب کیلئے مجلس اورقرآن خوانی وفاتحہ خوانی منعقدکی جائیگی اورمرحوم کوخراج عقیدت پیش کیاجائیگا۔سیدوحید الحسن رضوی 1987ء کے بلدیاتی انتخابات میں ناظم آبادکے علاقے جلال آباد سے حق پرست کونسلرمنتخب ہوئے۔وحیدالحسن رضوی انتہائی کٹھن اورمشکل حالات کے باوجودثابت قدم رہے اور2000ء میں ایم کیو ایم کی مرکزی علماء کمیٹی کے رکن بنے اوراپنے آخروقت تک قائدتحریک الطاف حسین کے فکروفلسفے کے مطابق تحریکی کاموں مصروف رہے ۔مرحوم کے سوگواران میں ایک بیٹی شامل ہے۔