سابق حق پرست رکن قومی اسمبلی ذکریا کاظمی کے انتقال پرجناب الطاف حسین کا اظہار تعزیت

لندن۔۔۔24،دسمبر2013ء 

متحدہ قومی موومنٹ کے قائد جناب الطاف حسین نے سابق حق پرست رکن قومی اسمبلی ذکریا کاظمی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے کہاکہ ذکریا کاظمی مرحوم حق پرستی کی تحریک میں ہمیشہ سرگرم رہے اور مرحوم نے جو خدمات انجام دیں اس پر وہ زبردست عقیدت کے مستحق ہیں ۔ انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔(آمین)