ایم کیوایم کی رابطہ کمیٹی کے اراکین کی حضرت شاہ عبد اللطیف بھٹائی ؒ کے سالانہ عرس کے موقع پر درگاہ پر حاضری
بانی و قائد تحریک الطاف حسین کی جانب سے درگاہ پر چادر چڑھائی اور فاتحہ خوانی کی
رابطہ کمیٹی کے اراکین نے درگاہ کے گدی نشین نثار شاہ سے ملاقات کرکے جناب الطاف حسین کا پیغام پہنچایا
مٹیاری ۔۔۔18، دسمبر2013ء
متحدہ قومی موومنٹ کی رابطہ کمیٹی کے اراکین خالد سلطان، اشفاق منگی ، یوسف شاہوانی اور شاکر علی نے حضرت شاہ عبد اللطیف بھٹائی ؒ کے سالانہ عرس کے موقع پردرگاہ پر حاضری دی اور قائد تحریک جناب الطاف حسین کی جانب سے چادر چڑھائی۔ اس موقع پر ایم کیوایم سندھ تنظیمی کمیٹی کے اراکین شبیر احمد قائم خانی، فرید احمد، سلیم معظم، حیدرآباد زون کے زونل انچارج نوید شمسی، جوائنٹ زونل انچارج راشد ممتاز، حق پرست رکن سندھ اسمبلی صابر قائم خانی بھی موجود تھے۔ ایم کیوایم کی رابطہ کمیٹی کے اراکین نے مزارپرفاتحہ خوانی کی اور ملک سے دہشت گردی کے خاتمے، امن و امان کے قیام، حق پرست شہداء کے بلند درجات، اسیر کارکنان کی رہائی، ایم کیوایم کے خلاف سازشوں کے خاتمے، حق پرستانہ جدوجہد کی کامیابی اور قائد تحریک جناب الطاف حسین کی درازی عمر اور صحت وتندرستی کیلئے خصوصی دعا بھی کی۔ بعدازاں رابطہ کمیٹی کے اراکین نے درگاہ کے گدی نشین نثار شاہ اور ان کے چھوٹے بھائی ناظم شاہ سے ملاقات کی اور انہیں قائد تحریک جناب الطاف حسین کا پیغام پہنچایا ۔