متحدہ قومی موومنٹ نے ایسے معذور افراد جو ذہنی طور پر ’’تن مند‘‘ ہیں ان کی ملک کے ایوانوں میں نمائندگی کیلئے قومی اسمبلی میں بل پیش کردیا

اسلام آباد:۔۔۔17؍سمبر2013ء

متحدہ قومی موومنٹ نے ایسے معذورافراد جو ذہنی طورپر’’تن مند‘‘ہیں ان کی ملک کے ایوانوں میں نمائندگی کیلئے قومی اسمبلی میں بل پیش کردیاگیاہے۔ایم کیوایم کی جانب سے معذورافراد کی نمائندگی کیلئے قومی اسمبلی میں بل حق پرست رکن قومی اسمبلی محترمہ کشورزہرانے پیش کیاجوآگے کمیٹی کے پاس مووو کردیا گیا ہے۔ پیش کیے گئے بل میں ایسے معذور افراد کو ملک کے ایوانوں سینیٹ، قومی اورصوبائی اسمبلیوں میں نمائندگی دینے کی تجویزدی گئی ہے جواپنی صلاحیتوں سے ملک کانام روشن کررہے ہیں۔اس سے قبل قومی اسمبلی میں اپنے خطاب میں حق پرست رکن قومی اسمبلی محترمہ کشور زہرا نے کہا کہ بحیثیت انسان ذہنی وجسمانی معذورافراد ،حکومت اورسول سوسائٹی کی اولین ذمہ داری ہیں۔معذورافرادکامسئلہ محض روزگارنہیں بلکہ ان کے سیاسی وسماجی حقوق بھی ہیں۔انہوں نے کہاکہ اس سرزمین پر معذورافرادایسے بھی ہیں جواپنی صلاحیتوں سے ملک کانام روشن کررہے ہیں۔کشورزہرا نے مطالبہ کیاہے کہ سینیٹ ،نیشنل اورصوبائی اسمبلی میں ایسے معذور افراد کو جو ذہنی طورپرتن مندہیں نمائندگی دی جائے۔انہوں نے کہاکہ قائد جناب الطاف حسین نے ہمیشہ معذورافرادسے محبت وشفقت کادرس دیاہے کہاہے کہ جو دیکھ نہیں ان کی آنکھیں بن جاؤ،جوبول نہیں سکتے ان کی زبان بن جاؤ،جوسن نہیں سکتے ان کے کان بن جاؤ،جوچلنے سے محروم ہیں ان کے پاؤں بن جاؤ یہی انسانیت اورخلق خداکی عبادت ہے۔واضح رہے کہ ملکی تاریخ کے 66سالہ تاریخ میں ایم کیوایم پہلی سیاسی جماعت ہے جس نے ملک کے ایوانوں میں معذورافرادکی نمائندگی اوران کے حقوق کیلئے آوازبلند کی ہے اورقومی اسمبلی میں جمع پیش کیا۔ایم کیوایم کی جانب سے قومی اسمبلی میں معذور افراد کی نمائندگی کابل پیش کیے جانے پرمعذورافرادجن میں جرنلسٹ،کیپٹن،ڈاکٹرز،پروفیسرز،انجینئرز،وکلا ء اور مختلف شعبہ ہائے زندگی سے تعلق رکھنے والے افرادنے سہراہااورایم کیوایم کے اقدام کی تعریف کی۔