ایم کیوایم کے قائد الطاف حسین کا لیبر ڈویژن کے سابق انچارج اور ایم کیوایم یوکے کے سابق آرگنائزر سہیل زیدی کے چچا اور سسر سید ظل حسن کے انتقال پر اظہار تعزیت

لندن ۔۔۔11 دسمبر2013ء

متحدہ قومی موومنٹ کے قائدجناب الطاف حسین نے ایم کیوایم لیبرڈویژن کے سابق انچارج اورایم کیوایم یوکے کے سابق آرگنائزر سہیل زیدی کے چچا اورسسر سیدظل حسن کے انتقال پر دلی تعزیت اورگہرے رنج وغم کااظہارکیاہے۔ اپنے بیان میں انہوں نے دعاکی کہ اللہ تعالیٰ ظل حسن مرحوم کی مغفرت فرمائے،انہیں جنت الفردوس میں جگہ دے اورتمام سوگواراہل خانہ کوصبرجمیل عطاکرے۔ دریں اثناء ایم کیوایم کی رابطہ کمیٹی نے بھی سہیل زیدی سے ان کے سسر اورچچاکے انتقال پر دلی افسوس کااظہارکیاہے اورمرحوم کیلئے دعائے مغفرت کی ہے ۔واضح رہے کہ سیدظل حسن مرحوم منگل کی شب کراچی میں حرکت قلب بندہوجانے کے باعث انتقال کرگئے تھے۔ مرحوم کو آج کراچی کے وادی حسین قبرستان میں سپردخاک کردیاگیا۔