حق پرست رکن قومی اسمبلی محترمہ نکہت شکیل کے والد کو عیسیٰ نگری کے قبرستان میں سپرد خاک کردیا گیا
نماز جنازہ اور تدفین میں ایم کیوایم کی رابطہ کمیٹی کے اراکین، حق پرست ارکان قومی وصوبائی اسمبلی ، کارکنان اور
مرحومہ کے عزیز واقارب کی شرکت
کراچی ۔۔۔10، دسمبر2013ء
متحدہ قومی موومنٹ کی رکن قومی اسمبلی محترمہ نکہت شکیل کے والد شفیع اللہ شفیع کو عیسی ٰ نگری کے قبرستان میں سپرد خاک کردیاگیا ۔ مرحوم کی نما ز جنازہ ناظم آبادعید گاہ میدان کے قریب واقع جامعہ مسجد طیبہ میں ادا کی گئی ۔ نمازجنازہ اور تدفین میں ایم کیوایم کی رابطہ کمیٹی کے اراکین کیف الواریٰ ، احمد سلیم صدیقی ،و اسع جلیل ، حق پرست رکن قومی اسمبلی شیخ صلاح الدین ، سفیان یوسف ، حق پرست ارکان سندھ اسمبلی ریحان ظفر ، عظیم فاروقی ، جمال احمد ، خالد بن ولایت ، وسیم قریشی ، ایم کیوایم ناظم آباد سیکٹر کمیٹی کے ارکان، یونٹوں کے ذمہ داران ، کارکنان ، ہمدردوں اور مرحوم کے عزیز و اقارب نے کثیر تعداد میں شرکت کی ۔