قومی غیرت و حمیت کا تقاضہ ہے کہ وزیر اعظم نواز شریف امریکی وزیر دفاع کے دھمکی آمیز بیان پر سخت احتجاج کریں۔ مصطفےٰ عزیز آبادی

لندن ۔۔۔9 دسمبر2013ء

متحدہ قومی موومنٹ کی رابطہ کمیٹی کے رکن مصطفےٰ عزیزآبادی نے نیٹوسپلائی بحال نہ کئے جانے پر امریکی وزیردفاع کی جانب سے پاکستان کی امداد بند کرنے کی دھمکی پر تبصرہ کرتے ہوئے وزیراعظم نوازشریف سے کہا ہے کہ قومی غیرت و حمیت کا تقاضہ ہے کہ وہ امریکی وزیردفاع کی جانب سے پاکستان کی امداد بند کرنے کے دھمکی آمیز بیان پر سخت احتجاج کریں اوران سے کہیں کہ وہ اس بیان کو واپس لیں ۔مصطفےٰ عزیز آبادی نے کہا کہ امریکہ کسی کی بات سننے کیلئے تیارنہیں،لہٰذا ہم حکومت سے مطالبہ کرنے پر مجبورہوں گے وزیراعظم نوازشریف تمام سیاسی جماعتوں بشمول تحریک انصاف اورایم کیوایم کواعتماد میں لیکر امریکہ سے کھل کراحتجاج کریں۔