یومِ شہداء کے موقع پر ایم کیوایم ویب ٹی وی اور ویڈیو سیکشن کی جانب سے خصوصی ڈرامہ ’’لہو بولے گا‘‘ پیش کیا گیا

کراچی ۔۔۔9، دسمبر2013ء

متحدہ قومی موومنٹ کے زیراہتمام9دسمبر’’یومِ شہداء‘‘کے موقع پرایم کیوایم ویب ٹی وی اورویڈیوسیکشن کی جانب سے خصوصی ڈرامہ ’’لہوبولے گا‘‘پیش کیا گیا جس میں ایم کیوایم کی شہید کارکن فاروق کی قانون نافذ کرنے والے اداروں کے ہاتھوں المناک شہادت اور فاروق شہید کی والدہ کی عکس بندی کی گئی تھیں۔ اس موقع پرفاروق شہید کی شہادت کی عکس بندی دیکھ کر جناح گراؤنڈ کی فضاء سوگوار اور ہر آنکھ اشکبار تھی خصوصاً شہداء کی فیملیز جن میں شہداء کی بیوائیں، بچے، مائیں، بہنیں، والد، بھائی اور دیگرغمزدہ عزیز و اقارب اپنے جذبات پر قابونہ رکھ سکے اور زار و قطار روتے رہے۔ ڈرامے کے اختتام پر پنڈال میں موجود تمام شرکاء نے تمام شہداء کو زبردست خراج عقیدت پیش کیا گیا اور ڈرامے کے کراداروں کی تالیاں بجا کر حوصلہ افزائی کی۔