بلوچستان کے وزیراعلیٰ عبدالمالک کی ایم کیوایم کی رابطہ کمیٹی کے ڈپٹی کنوینر ندیم نصرت سے فون پر گفتگوکی،ایم کیوایم کے قائد الطا ف حسین کیلئے نیک جذبات کااظہار
ندیم نصرت نے قائدتحریک الطاف حسین کی جانب سے وزیراعلیٰ عبدالمالک کو بلوچستان کے بلدیاتی انتخابات میں نیشنل پارٹی کی کامیابی پرمبارکبادپیش کی
وزیراعلیٰ بلوچستان نے قومی سیاست میں ایم کیوایم کے کردارکوسراہااور بلدیاتی انتخابات میں ایم کیوایم کے حصہ لینے کوخوش آئندقراردیا
وزیراعلیٰ عبدالمالک اور ڈپٹی کنوینرندیم نصرت کا ایم کیوایم اورنیشنل پارٹی کے درمیان بہترتعلقات کے فروغ پر اتفاق
ایم کیوایم رابطہ کمیٹی کے رکن یوسف شاہوانی نے وزیراعلیٰ بلوچستان کوقائدتحریک الطاف حسین کی حالیہ شائع ہونے
والی کتاب ’’ فلسفہء محبت ‘‘ بھی پیش کی
لندن ۔۔۔8 دسمبر2013ء
بلوچستان کے وزیراعلیٰ عبدالمالک نے ایم کیوایم کی رابطہ کمیٹی کے ڈپٹی کنوینر ندیم نصرت سے فون پر گفتگوکی اورایم کیوایم کے قائد جناب الطا ف حسین کیلئے نیک جذبات کااظہارکیا۔ندیم نصرت نے ایم کیوایم کے قائد جناب الطاف حسین کی جانب سے وزیراعلیٰ عبدالمالک کو بلوچستان کے بلدیاتی انتخابات میں ان کی جماعت نیشنل پارٹی کی کامیابی پرمبارکبادپیش کی۔وزیراعلیٰ بلوچستان نے قومی سیاست میں ایم کیوایم کے کردارکوسراہااور بلدیاتی انتخابات میں ایم کیوایم کے حصہ لینے کوخوش آئندقراردیا۔وزیراعلیٰ عبدالمالک اور ڈپٹی کنوینرندیم نصرت نے ایم کیوایم اورنیشنل پارٹی کے درمیان بہترتعلقات کے فروغ پربھی اتفاق کیا۔ اس موقع پر رابطہ کمیٹی کے رکن یوسف شاہوانی بھی موجود تھے جنہوں نے وزیراعلیٰ بلوچستان کوجناب الطاف حسین کی حالیہ شائع ہونے والی کتاب ’’ فلسفہء محبت ‘‘ بھی پیش کی ۔ وزیراعلیٰ عبدالمالک نے جناب الطاف حسین کوانکی کتاب پر مبارکبادپیش کی اور اس کتاب کوفلسفیات کے شعبہ میں ایک اہم اضافہ قرار دیا۔