ضلع لاڑکانہ کی تحصیل باقدانی کے گوٹھ بڈھو واہن اور گوٹھ گجڑ تحصیل ڈوکوی کے معززین نے اپنے سینکڑوں ساتھیوں سمیت متحدہ قومی موومنٹ میں شمولیت کا اعلان کردیا
ایم کیوایم سوشل فورم کے تحت ضلع لاڑکانہ میں منعقد کئے گئے اجتماعات
لاڑکانہ ۔۔۔7، دسمبر2013ء
ضلع لاڑکانہ کی تحصیل باقدانی کے گوٹھ بڈھو واہن اور گوٹھ گجڑ تحصیل ڈوکوی کے معززین نے قائد تحریک جناب الطاف حسین کی جانب سے 98فیصد غریب ومتوسط طبقے کے عوام کے حقوق کی عملی جدوجہد سے متاثر ہوکر اپنے سینکڑوں ساتھیوں سمیت متحدہ قومی موومنٹ میں شمولیت کااعلان کیا ہے۔ یہ اعلان انہوں نے گزشتہ روز گوٹھ بڈھو واہن اور گوٹھ گجڑ تحصیل دوکوی میں ایم کیوایم سوشل فورم کے تحت منعقدہ علیحدہ علیحدہ اجتماعات میں کیاجن میں ایم کیوایم سوشل فورم کے رکن عبید اللہ بلیدی اور لاڑکانہ زون کے انچارج و اراکین نے بھی شرکت کی ۔ متحدہ قومی موومنٹ میں شمولیت کا اعلان کرنے والوں میں گوٹھ بڈھواہن کے معززین رجب علی کھوسو ، خادم حسین پنہور ، الطاف حسین زہوانی، عبد الغفار کھوسو، عبد الرحیم گچل، حاجی دلدار منگنیجو، بشیر علی جونیجو جبکہ گوٹھ گجر کے معززین آزاہ علی جونیجو، ہادی بخش جونیجو، نور حسین شیخ اور اسد شیخ شامل ہیں۔ اجتماعات میں ایم کیوایم سوشل فورم کے رکن عبید اللہ بلیدی نے خطاب کرتے ہوئے کہا کہ ایم کیوایم کو اردو بولنے والوں کی جماعت قرار دینے والے دراصل ایم کیوایم کی پرواز کو روکنا چاہتے ہیں اور اس کے خلاف لسانیت پر مبنی سازشیں اور پروپیگنڈے کرکے ملک کی دیگر قومیتوں کو دور رکھنے کی ناکام کوششیں کرتے رہیں ہیں جن میں ہمیشہ انہیں ذلت کا ہی سامنا کرنا پڑا ہے ۔انہوں نے گوٹھ بڈھو واہن اور گوٹھ گجڑ تحصیل ڈوکوی کے معززین کی اپنے ساتھیوں سمیت متحدہ قومی موومنٹ میں شمولیت کا زبردست خیر مقدم کیا اور انہیں مبارکباد دی ۔