ایم کیوایم لانڈھی سیکٹر کے کارکن محمد اسلم کے قتل پر رابطہ کمیٹی کا اظہار مذمت
محمد اسلم کا قتل شہر کا امن خراب کرنے کی سازش کا حصہ ہے، رابطہ کمیٹی
محمد اسلم شہید کے سوگوار لواحقین سے رابطہ کمیٹی کا اظہار تعزیت، شہید کی مغفرت کیلئے دعا
محمد اسلم شہید اسماعیل گوٹھ قبرستان لانڈھی میں سپرد خاک، نمازجنازہ اور تدفین میں رابطہ کمیٹی، حق پرست نمائندوں اور ایم کیوایم کے ذمہ داران کی شرکت
کراچی: ۔۔۔6 ؍دسمبر2013ء
متحدہ قومی موومنٹ کی رابطہ کمیٹی نے ایم کیوایم لانڈھی سیکٹریونٹ87کے کارکن محمداسلم کوموٹرسائیکل سوارمسلح دہشت گردوں کی جانب سے فائرنگ کرکے قتل کرنے کی سخت ترین الفاظ میں مذمت کی ہے اور قتل کی واردات کوشہرکاامن خراب کرنے کی سازش کاتسلسل قرار دیا ہے۔ ایک بیان میں رابطہ کمیٹی نے کہا کہ تسلسل کے ساتھ ذمہ داران و کارکنان کے قتل کے واقعات شہر کا امن خراب کرنے کی سازش کا حصہ ہیں۔رابطہ کمیٹی نے محمداسلم شہیدکے سوگوارلواحقین سے دلی تعزیت وہمدردی کااظہارکرتے ہوئے شہیدکی مغفرت ،ان کے درجات کی بلندی اورسوگوارلواحقین کے صبروجمیل کیلئے دعاکی۔رابطہ کمیٹی نے گورنرسندھ ڈاکٹرعشرت العباد اوروزیراعلیٰ سندھ سیدقائم علی شاہ سے مطالبہ کیاکہ ایم کیویم لانڈھی سیکٹر کے کارکن محمداسلم سمیت ایم کیوایم کے تمام کارکنان کے قتل کاسختی سے نوٹس لیاجائے اورقتل کی واردات میں ملوث دہشت گردوں کوگرفتارکرکے عبرتناک سزادی جائے۔ دریں اثناء محمداسلم شہیدکوسینکڑوں سوگواران کے آہوں اورسسکیوں کے درمیان اسماعیل گوٹھ قبرستان لانڈھی میں سپردخاک کردیاگیاشہیدکی نمازجنازہ محمدمسجدلانڈھی ساڑھے 3میں ادا کی گئی ،نمازجنازہ اورتدفین میں ایم کیوایم کی رابطہ کمیٹی کے رکن گلفرازخان خٹک،حق پرست ارکان اسمبلی آصف حسنین،وقارشاہ،کراچی تنظیمی کمیٹی کے ارکان، لانڈھی سیکٹرویونٹ کمیٹیوں کے عہدیداران،کارکنان،ہمدردوں اورشہیدکے عزیزواقارب نے شرکت کی اورشہیدکی مغفرت ان کے درجات کی بلندی اورسوگوارلواحقین کے صبرجمیل کیلئے فاتحہ خوانی کی ۔