ایم کیوایم کے زیر اہتما م قائد تحریک الطاف حسین کی والدہ محترمہ خورشید بیگم مرحومہ کی 28ویں برسی انتہائی عقیدت و احترام سے منائی گئی

ایم کیوایم کی رابطہ کمیٹی کے اراکین نے پاپوش نگر قبر ستان جاکر قائد تحریک کی والدہ محترمہ خورشید بیگم مرحومہ کی قبر پر حاضری دی اور فاتحہ خوانی کی 

کراچی :۔۔۔۔5دسمبر 2013ء 

متحد ہ قومی موومنٹ کے زیر اہتمام قائدتحریک جنا ب الطاف حسین کی والدہ محترمہ خورشید بیگم مرحومہ کی 28ویں برسی انتہائی عقیدت و احترام سے منائی گئی اس سلسلے میں ملک بھرمیں قرآن خوانی وفاتحہ خوانی کے اجتماعات منعقدکیے گئے اور مرحومہ کو خراج عقیدت پیش کیاگیا ۔قرآن خوانی وفاتحہ خوانی کا مرکزی اجتماع ایم کیوایم کے مرکز نائن زیرو سے متصل لال قلعہ گراؤنڈ عزیز آباد میں منعقد ہوا جس میں قائدتحریک الطاف حسین کی ہمشیرہ محترمہ سائرہ خاتون ودیگراہل خانہ، ایم کیوایم کی رابطہ کمیٹی کے ڈپٹی کنوینرزڈاکٹرخالدمقبول صدیقی، انجینئرناصرجمال، اراکین رابطہ کمیٹی ڈاکٹرمحمدفاروق ستار،سینیٹرنسرین جلیل،عامرخان، محمد واسع جلیل،قاسم علی رضا،خالدسلطان،عادل خان،کیف الوریٰ ،رشیدگوڈئل،سیدشاکرعلی ، آنسہ ممتازانوار،حق پرست اراکین سینیٹ ، قومی و صوبائی اسمبلی ، ایم کیوایم کے مختلف شعبہ جات کے ارکان ، مختلف علاقائی سیکٹرویونٹ کمیٹیوں کے ذمہ دارا ن و کارکنان اور ہمدردوں نے بڑی تعداد میں شرکت کی۔اس موقع پر معروف عالم دین مولاناتنویرالحق تھانوی نے محترمہ خورشید بیگم مرحومہ کے ایصال ثواب کیلئے خوش الحانی سے فاتحہ کی اور خشو غ و خضوع کے ساتھ اجتماعی دعائیں کرائیں جس میں مرحومہ سمیت ایم کیوایم کے تمام شہیدکارکنان کی مغفرت،ان کے درجات کی بلندی،ملک وقوم کی سلامتی،دہشت گردی کے خاتمے ،قیام امن،اسیرکارکنان کی رہائی،لاپتہ کارکنان کی بحفاظت بازیابی اورایم کیوایم کی کامیابی سمیت قائدتحریک الطاف حسین کی درازی عمرصحت و تندرستی کیلئے دعائیں کی گئیں۔کراچی کی طرح اندرونِ سندھ ،حیدر آباد ، میر پورخاص، سکھر ، نواب شاہ ، سانگھڑ،ٹنڈو الہ یار ، لاڑکانہ ، دادو ، بدین ، ٹھٹھہ، گھوٹکی ، خیر پور، نو شہرو فیروز ، قمبر شہداد کوٹ ، شکار پور ، کشمور، جیکب آباد ، پنجاب میں لاہور ،راولپنڈی، ملتان ، گجرانولہ ، فیصل آباداسی طرح صوبہ بلوچستان میں کوئٹہ ، نصیرآباد جبکہ خیبر پختونخوا میں گلگت و بلتستان ، دیامیر اور آزاد کشمیر میں ایم کیوایم کے صوبائی، ضلعی ، ڈسٹرکٹ ، زونل دفاتر میں قرآن خوانی و فاتحہ خوانی کے اجتماعات منعقد ہوئے جن میں تمام زونوں کے انچارجز و اراکین کمیٹی ، ذمہ داران و کارکنان اور ہمدردعوام نے بڑی تعداد میں شرکت کی اور خورشیدبیگم مرحومہ کو زبر دست خراج عقیدت پیش کیا ۔علاوہ ازیں ایم کیوایم کی رابطہ کمیٹی کے ڈپٹی کنوینر زو اراکین رابطہ کمیٹی ،ارکان اسمبلی ،کراچی تنظیمی کمیٹی کے ارکان نے کراچی ناظم آباد میں واقع پاپوشنگر قبرستان جاکرقائد تحریک الطا ف حسین کی والدہ محترمہ خورشید بیگم مرحومہ اوروالدنذیرحسین کی قبر وں پر حاضری دی،پھولوں کی چادر چڑھائی اورفاتحہ خوانی کی ۔اس موقع پر علاقائی سیکٹر و یونٹ کمیٹیوں کے ذمہ داران و کارکنان بھی موجود تھے۔