ایم کیوایم نے سندھ بھر میں حکومت سندھ کی جانب سے کی گئیں غیر قانونی حلقہ بندیوں کے خلاف سندھ ہائی کورٹ میں پٹیشن دائر کردی
پٹیشن میں حکومت سندھ ، الیکشن کمیشن ، کمشنر مردم شماری ، کمشنر کراچی اور پانچوں ڈی سی اوز کو فریق بنایا گیا ہے
کراچی ۔۔۔4، دسمبر2013ء
متحدہ قومی موومنٹ نے حکومت سندھ کی جانب سے بلدیاتی انتخابات کیلئے سندھ بھر میں کی گئی غیر قانونی حلقہ بندیوں کے خلاف سندھ ہائی کورٹ میں پٹیشن دائر کردی ہے ۔ پٹیشن کی پیروی بیرسٹر ، سینیٹر ڈاکٹر محمد فروغ نسیم کریں گے جبکہ نئی حلقہ بندیوں کے خلاف پٹیشن قومی اسمبلی میں ایم کیوایم کے پارلیمانی لیڈر ڈاکٹر فاروق ستار نے دائر کی ہے۔ ایم کیوایم کی جانب سے نئی حلقہ بندیوں کے خلاف آئینی پٹیشن میں حکومت سندھ ، الیکشن کمیشن ، کمشنر مردم شماری ، کمشنر کراچی اور پانچوں ڈی سی اوز کو فریق بنایا گیا ہے ۔پٹیشن میں مؤقف اختیار کیا گیا ہے کہ حلقہ بندیاں غیر قانونی اور جغرافیائی طور پر غلط کی گئی ہیں اور اس سلسلے میں بلدیاتی اور مردم شماری کے قوانین کی سنگین خلاف ورزی کی گئی ہے ۔