ایم کیوایم کے ہزاروں کارکنان نے ایک مرتبہ پھر جناب الطاف حسین کے علاوہ نئی قیادت کو یکسر اور مکمل طور پر مسترد کردیا
کراچی ۔۔۔3، دسمبر2013ء
متحدہ قومی موومنٹ کے کارکنان نے ایم کیوایم کیلئے قائد تحریک جناب الطاف حسین کے علاوہ ایک مرتبہ پھر نئی قیادت کو یکسر اور مکمل طور پر مستردکردیا ہے۔ منگل کے روز لال قلعہ گراؤنڈ عزیز آباد میں جنرل ورکرز اجلاس میں شریک ہزروں کارکنان سے ٹیلی فونک خطاب کرتے ہوئے جناب الطاف حسین نے دریافت کیا کہ آپ ایمانداری سے بتادیں کہ آپ کو نئی قیادت چاہئے تو میں اس کیلئے خدا کی قسم راضی ہوں ۔ جناب الطاف حسین کے یہ الفاظ مکمل بھی نہیں ہوئے تھے کہ ہزاروں کارکنان نے ہاتھ کھڑے کرکے اورنعرے لگا کر قیادت سے دستبرداری کو مسترد کردیا اور واضح اور دو ٹوک الفاظ میں کہا کہ قیادت پر کوئی سمجھوتہ نہیں ہوسکتا۔