ایم کیوایم کی حکومت آئی تو معذوروں کو روزگار اور علاج و معالجہ سمیت ہر سہولیات فراہم کریں گے۔ الطاف حسین
لال قلعہ گراؤنڈ عزیز آباد میں اجلاس سے خطاب۔ معذوروں سے اظہار یکجہتی
کراچی۔۔۔3، دسمبر2013ء
متحدہ قومی موومنٹ کے قائدجناب الطاف حسین نے اعلان کیاہے کہ جس دن ایم کیوایم کی حکومت آئی تو ہم معذوروں کیلئے روزگار اور ان کے علاج ومعالجہ سمیت ہرسہولیات فراہم کریں گے ۔ انہوں نے یہ بات آج لال قلعہ گراؤنڈعزیزآبادمیں اجلاس سے خطاب میں معذوروں کے عالمی دن کا تذکرہ کرتے ہوئے کہی۔ اجلاس میں بڑی تعداد میں معذور افرادنے بھی شرکت کی۔ انہوں نے اجلاس میں شریک معذورافراد کا خیرمقدم کیا۔ انہوں نے کہا کہ میں پاکستان سمیت دنیا بھر کے معذورافراد سے یکجہتی کااعلان کرتا ہوں۔ جب میں پاکستان میں تھا تو معذور افراد کے اسکولوں کا دورہ کیاکرتا تھا اور میرایہی درس ہے کہ ہمیں معذورافراد کی آنکھ، کان اورزبان بننا چاہیے۔انہوں نے مخیرحضرات اور ایم کیوایم کے کارکنان سے کہاکہ وہ ایم کیوایم کے تحت معذورافراد کیلئے ایک شعبہ بنائیں، معذور افراد کے مراکز کے دورے کریں اور ان کی ہرممکن مدد کریں۔