آپ کی قیادت اور جماعت کے خلاف ایک مرتبہ پھر منفی پروپیگنڈہ کیا جارہا ہے، کیا آپ پروپیگنڈہ کرنے والوں کی باتوں میں آجائیں گے؟ الطاف حسین کا کارکنوں سے سوال

کراچی۔۔۔3، دسمبر2013ء

متحدہ قومی موومنٹ کے قائدجناب الطاف حسین نے آج لال قلعہ گراؤنڈعزیزآبادمیں اجلاس سے خطاب کرتے ہوئے ایم کیوایم کے عہدیداروں اور کارکنوں سے سوال کیاکہ آج آپ کی قیادت اور جماعت کے خلاف ایک مرتبہ پھر منفی پروپیگنڈہ کیاجارہا ہے۔ ہماری 35 سالہ جدوجہد آپ کے سامنے ہے، کیا اس طویل جدوجہد کے بعد بھی آپ پروپیگنڈہ کرنے والوں کی باتوں میں آجائیں گے؟ اس پر تمام حاظرین نے ایک آوازہوکرجواب دیا ’’ نہیں ‘‘ ۔انہوں نے کارکنوں سے کہاکہ اگر آپ کو مجھے چھوڑنا ہے تو پھراس کافیصلہ آج ہی کرلیں اور آج سے ہی الگ ہوجائیں ۔ جناب الطاف حسین نے کی اس بات پرایم کیوایم کے ذمہ داران اورکارکنوں نے جواب دیا’’ قیادت پرکوئی کمپرومائزنہیں ہوسکتا ‘‘۔اس موقع پرکارکنوں نے جناب الطاف حسین کے حق میں فلک شگاف نعرے لگائے :

تو دور ہے تو کیا ہوا۔۔۔دلوں میں ہے بسا ہوا

تو دورہے تو کیا ہوا۔۔۔نگاہوں میں ہے بساہوا