ایم کیوایم کی رابطہ کمیٹی کا اسپیشل شخص عدنان کو جناب الطاف حسین کی جانب سے الیکٹرک وہیل چیئر کا تحفہ
اس طرح کی ٹیکنالوجیزکو مزید فروغ دینے کی ضرورت ہے تاکہ اسپیشل افراد بھی دوسرے لوگوں کے ساتھ قدم سے قدم ملا کر ملک کی تعمیر و ترقی میں اپنا کردار ادا کر سکیں، ڈاکٹر فاروق ستار
قائد تحریک نے ایک ایسا پلیٹ فارم مہیا کیا ہے جس نے اسمبلی سے لیکر پوری دنیا میں ہماری لیے آواز پہنچائی ہے، اسپیشل شخص عدنان
کراچی۔۔۔3دسمبر2013ء
معذور افراد کے عالمی دن کے موقع پرPWD(پرسن ودڈس ایبیلٹی) کے وفد نے ایم کیوایم کی رابطہ کمیٹی اراکین ڈاکٹر فاروق ستار، واسع جلیل اور سیف یار خان سے خورشید بیگم سیکریٹریٹ عزیز آباد میں ملاقات کی۔ اس مو قع پر ایم کیوایم کی شعبہ خواتین کی انچارج و حق پرست رکن قومی اسمبلی کشور زہر ا، اراکین کمیٹی(PWD) کے علاوہ اسپیشل افرادبھی بڑی تعداد میں موجود تھے۔ملاقات میں ایم کیوایم کی رابطہ کمیٹی کے اراکین نے قائد تحریک جناب الطاف حسین کی جانب سے اسپیشل شخص عدنان کو الیکٹرک وہیل چیئر کا تحفہ بھی دیا ۔ ملاقات میں ڈاکٹر فاروق ستار نے گفتگو کرتے ہوئے کہاکہ ایسی ٹیکنالوجیز کومزید فروغ دینے کی ضرورت ہے تاکہ اسپیشل افراد بھی دوسرے لوگوں کے ساتھ قدم سے قدم ملا کر ملک کی ترقی میں اپنا کردار ادا کر سکیں۔ انہوں نے کہاکہ معذزور افراد بھی معاشرے کا ہی ایک حصہ ہیں ان کا بھی اتنا ہی حق ہے جتنا دوسرے لوگوں کا ہے ۔ ا س موقع پر اسپیشل شخص عدنان نے کہاکہ قائد تحریک جنا ب الطا ف حسین نے جس طرح سے عملی طور پر اسپیشل افراد کے حقوق کی آواز اٹھائی اور جس طرح انہیں عزت و محبت دی ہے وہ کہیں نہیں ملتی ہے ۔جناب الطاف حسین نے ایک ایسا پلیٹ فارم مہیا کیا ہے جس نے اسمبلیوں سے لیکر پوری دنیا بھرمیں ہماری آواز پہنچائی ہے ۔ انہوں نے قائد تحریک جناب الطا ف حسین کا شکریہ ادا کیا اور ان کی صحت و تندرستی اور درازی عمر کیلئے دعا بھی کی ۔