میرانشاہ میں ڈرون حملے میں اسلامی جمعیت طلبہ کے سرگرم کارکن کی ہلاکت سے ثابت ہوگیا ہے کہ جماعت اسلامی کے دہشت گرد ملک اور بیرون ملک دہشت گردی میں ملوث ہیں۔ رابطہ کمیٹی

کراچی ۔۔۔ 2 دسمبر2013ء

متحدہ قومی موومنٹ کی رابطہ کمیٹی نے کہاہے کہ میرانشاہ میں ڈرون حملے میں جماعت اسلامی کی ذیلی تنظیم اسلامی جمعیت طلبہ کے ایک سرگرم کارکن کی ہلاکت سے ثابت ہوگیاہے کہ جماعت اسلامی کے دہشت گرد ملک اوربیرون ملک دہشت گردی میں ملوث ہیں۔ اپنے ایک بیان میں رابطہ کمیٹی نے کہاکہ پاکستان کا بچہ بچہ واقف ہے کہ جماعت اسلامی کے رہنما میں معصوم نوجوانوں کودہشت گردی کی ٹریننگ دے دیکرجہادکے نام پر دہشت گردی کیلئے پوری دنیامیں بھیج کر معصوم نوجوانوں کو ڈالروں کے عوض غیرملکی مفادات کی بھینٹ چڑھاتے رہے ہیں۔ اس سے قبل بھی جماعت اسلامی کے دہشت گرد کور کمانڈر کراچی پر قاتلانہ حملے، مسلح افواج کے ہیڈ کوارٹرز، حساس تنصیبات اورمسلح افواج پرحملوں اورپاکستان اورافغانستان میں دہشت گردی میں ملوث رہے ہیں ۔ 29 نومبر کومیرانشاہ میں ہونے والے ڈرون حملے میں جودہشت گرد مارے گئے ہیں انکے بارے میں جوتفصیلات سامنے آئی ہیں ان کے مطابق مارے جانے والے دہشت گردوں میں سے ایک دہشت گردعبدالرحمان کاتعلق جماعت اسلامی کی ذیلی تنظیم اسلامی جمعیت طلبہ کے تھنڈراسکواڈسے تھا اور میڈیا نے بھی اس کی تصدیق کی ہے۔رابطہ کمیٹی نے کہا کہ اس واقعہ سے ایک بارپھرثابت ہوگیاہے کہ جماعت اسلامی ایک دہشت گردتنظیم ہے جس کا طالبان، القاعدہ اوردیگر بین الاقوامی دہشت گردتنظیموں سے گہراتعلق ہے لیکن یہ امرانتہائی افسوسناک بلکہ حیرت انگیزہے کہ ملک اوربیرون ملک دہشت گردی کی کارروائیاں کرنے والی جماعت اسلامی اوراس کے دہشت گردگروپ کے خلاف کارروائی نہیں کی جاتی بلکہ انہیں سیاسی سرگرمیوں کی مکمل آزادی حاصل ہے جبکہ ایم کیوایم کے محب وطن اورپرامن کارکنان کوسرکاری اہلکار چن چن کرگرفتارکرکے جھوٹے مقدمات میں ملوث کیاجارہاہے۔ رابطہ کمیٹی نے کہاکہ پاکستان کی حکومت اور قومی سلامتی کے اداروں کو جماعت اسلامی اوراس کے تھنڈر اسکواڈ کی دہشت گردیوں کانوٹس لیناچاہیے ۔