قائد تحریک الطاف حسین کا ایکسپریس نیوز کی بلڈنگ پر بزدلانہ حملے کی شدید الفاظ میں مذمت
لندن:۔۔2دسمبر 2013ء
متحدہ قومی موومنٹ کے قائد جناب الطاف حسین نے کراچی میں ایکسپریس نیوز کی بلڈنگ کے باہر نامعلوم دہشت گردوں کے بزدلانہ حملے کی شدید الفاظ میں مذمت کی ہے اور زخمی ہونے والوں سیکورٹی اہلکاروں کی جلد و مکمل صحتیابی کی دعا کی ہے۔ انہوں نے کہا کہ ایکسپریس نیوز کے ایڈیٹرز، سینئر و جونیئر صحافی حضرات اینکر پرسن، رپورٹر، کیمرہ مین، ٹیکنیشن، فوٹو گرافرز اور عملے کے دیگر افراد سے اس اندوہناک حملے پر دلی اظہار افسوس کرتے ہوئے کہا کہ اللہ تعالیٰ آپ سب کی حفاظت فرمائے ، آپ لوگ چوکس رہیں اور بہت بہت احتیاط کریں ،ملک میں انتشار پسند ، نام نہاد مذہبی انتہاء پسند دہشت گرد پورے ملک کا سکون غارت کئے ہوئے ہیں ، پاکستان کی بقاء و سلامتی اور انسانی جان و مال کی تحفظ کا ایک ہی طریقہ ہے کہ پوری پاکستانی قوم ان مذہبی انتہاء پسند کے خلاف متحد ہوجائیں اور متحد ہوکر ان کے خلاف آوازیں بلند کریں۔