کراچی میں دہشت گردوں کے ہاتھوں دو جواں سال سگے بھائیوں مدبر رضا اور حیدر رضا کے سفاقانہ قتل پر جناب الطاف حسین کا اظہار مذمت

لندن۔۔۔ یکم دسمبر2013ء

متحدہ قومی موومنٹ کے قائد جناب الطاف حسین نے کراچی میں دہشت گردوں کے ہاتھوں دو جواں سال سگے بھائیوں مدبررضا اور حیدر رضاکے سفاقانہ قتل پر سخت ترین الفاظ میں مذمت کی ہے اور انکے قاتلوں کی فوری گرفتاری کا مطالبہ کیا ہے ۔ اپنے ایک بیان جناب الطاف حسین نے کہاکہ تمام فر قہ وارانہ تنظیموں کے دہشت گردوں نے کراچی کے رخ کر لیا ہے جہاں وہ بے گناہ شہریوں کو چن چن کر نشانہ بنا رہے ہیں لیکن اس دہشت گردی کے خلاف کوئی واضح آپریشن نہیں کیا جارہاہے ۔ انہوں نے صدر مملکت، وزیر اعظم، وفاقی وزیر داخلہ اور وزیر اعلی سندھ سے مطالبہ کیا ہے کہ کراچی میں فر قہ واریت کے نام پر کھلی دہشت گردی کرنے والوں اور معصوم شہریوں کو ہلاک کرنے والوں کے خلاف آہنی ہاتھ سے نمٹا جائے اور ان کی کمین گاہوں کا شہر سے ہمیشہ ہمیشہ کے خاتمہ کر ا جائے ۔ جنا ب الطاف حسین نے جاں بحق ہونے بھائیوں کے اہل خانہ سے دلی تعزیت کا اظہار کر تے ہوئے کہاکہ میں اور میرے ساتھی آپ کے غم میں برا بر شریک ہے اور دعا گوہے کہ اللہ تعالی آپ کو صبر جمیل عطا کرے۔