ناظم آباد کے فلائی اوور کے قریب مسلح دہشت گردوں کی جیو نیوز کی ٹیم کے ساتھ لوٹ مار کے واقعہ پر رابطہ کمیٹی کا اظہار مذمت

کراچی ۔۔۔ یکم دسمبر2013ء

متحدہ قومی موومنٹ کی رابطہ کمیٹی نے کراچی کے علا قے ناظم آباد کے فلائی اوور کے قریب مسلح دہشت گردوں دکی جیو نیوز کی ٹیم کے ساتھ لوٹ مار کے واقعہ پر سخت ترین الفاظ میں مذمت کی ہے۔ ایک بیان میں رابطہ کمیٹی نے حکومت سندھ سے مطالبہ کیا ہے کہ واقعہ کی تحقیقات کی جائے اور اس میں ملوث دہشت گرد عناصر کو گر فتار کرکے قانون کے مطابق سز ادی جائے۔ انہوں نے کہا کہ شہر میں ٹارگٹڈ آپر یشن جاری ہے اس کے باوجود جیونیوز کی ٹیم کے ساتھ لوٹ مار کا واقعہ لمحہ فکریہ ہے ۔ انہوں نے کہاکہ حملہ دراصل آزاد صحافت پر حملہ ہے جس کی جتنی بھی مذمت کی جائے کم ہے لہٰذاحکومت کو چاہئے کہ وہ صحافی برادری کو مکمل تحفظ فراہم کرنے کیلئے ٹھوس موثراقدامات کرے تاکہ وہ اپنے فرائض کو بلا خوف و خطر انجام دے سیکیں ۔ رابطہ کمیٹی نے جیونیوز ٹیم سے ہمدردی کا بھی اظہار کیا ہے ۔