سی پی این ای کے نومنتخب صدر مجیب الرحمن شامی ، سیکریٹری جنرل جبار خٹک اور دیگر عہدیداران کو ایم کیوایم رابطہ کمیٹی کی مبارکباد

کراچی ۔۔۔یکم ، دسمبر2013ء 

متحدہ قومی موومنٹ کی رابطہ کمیٹی نے کونسل آف پاکستان نیوز پیپرز ایڈیٹرز (سی پی این ای ) کے اجلاس میں مجیب الرحمن شامی کو صدر اورجبار خٹک کو سیکریٹری جنرل منتخب ہونے پر دلی مبارکباد پیش کی ہے ۔ ایک تہنیتی بیان میں رابطہ کمیٹی نے کہاکہ سی پی این ای کے نومنتخب صدر ، سیکریٹری جنرل اورتمام نومنتخب عہدیداران آزادی صحافت کے علم کو ماضی کی طرح بلند رکھیں گے اور صحافتی اقدار اور اس کے احترام سمیت صحافیوں کو درپیش مسائل اور مشکلات کے حل کیلئے نہ صرف مثبت اقدامات کریں گے بلکہ اس سلسلے میں اپنی تمام صلاحیتوں کو بروئے کار لائیں گے ۔